Tagliafarru
| |||||
|---|---|---|---|---|---|
.jpg) | |||||
| Coccothraustes coccothraustes | |||||
| Classifica scentifica | |||||
| Regnu | Animalia | ||||
| Divisioni | Chordata | ||||
| Classa | Aves | ||||
| Ordini | Passeriformes | ||||
| Famiglia | Fringillidae | ||||
| Genaru | Coccothraustes | ||||
| Nomu binuminali | |||||
| Coccothraustes coccothraustes Linnaeus, 1753 | |||||
.JPG) | |||||
U tagliafarru (Coccothraustes coccothraustes) hè una piccula spezia di passaru di a famiglia di i Fringillidae. Hè in parti migratori. Hè a spezia a più maiò di a famiglia di i Fringillidae è a sola di u genaru Coccothraustes.[1]
Altri noma corsi di u tagliafarru sò: u rompinocciulu, u bizzicugrossu, u schiazzanocciulu, u sciaccanoce.[2]
Discrizzioni
[mudificà | edità a fonte]U tagliafarru hè grossu è corpacciutu. Misura da 17 à 18cm circa è si distingui da u so bizzicu enormu triangulari neru è azuratu di branu è giaddicciu di vaghjimu. U so coddu hè zeppu è prisenta una coda abbastanza corta. U so prufilu pendi sempri versu davanti. I so ochja sò rusulti. I so zampi passani da u bughju d'invernu à u rusulinu chjaru d'istatina. Pari appena sprupurziunatu par via di u so coddu assà vuluminosu.
Aspettu di l'adultu
[mudificà | edità a fonte]U masciu adultu hà a testa rossa è u coddu neru, a tesa di coddu grisgia è u spinu brunu. I so ali larghi sò turchinu neru, travirsati da una grandi fascia bianca russiccia chì si trova sottu à u corpu. A so coda corta hè bruna incù a punta bianca. U so corpu hè di un brunu rusulinu assà pallidu è u so/a so bassu ventri biancu. A femina si assumiglia mori à u masciu eccittuatu chì a so testa hè menu rossa.
Aspettu di u ghjovanu
[mudificà | edità a fonte]
U tagliafarru ghjovanu hà a testa bruna è appena giadda, u senu è i fianchi pichjulati è l'asta alaria spiccata in dui.
Cantu
[mudificà | edità a fonte]U tagliafarru canta abbastanza pocu è u so cantu hè assà esitanti è assà pocu sunoru: hè à spessu un " tik-tik-tur-ui-uit ". À l'incuntrariu i so briona sò sunori è splusivi, abbastanza tipichi: i " tsik " o i " ptik...ptikit " è u so appeddu un " tsrîîh " fini. Quandu eddu hè inchitatu, lancia un " kioüü " timurosu.
Cumpurtamentu
[mudificà | edità a fonte]U tagliafarru hè assà sbeticu, misfidenti è abbastanza erraticu. Ùn si lascia micca avvicinà faciuli, è scappa par appuddà si in testa di l'arburi è ùn torra à falà cà di manera prudenti di ramu in ramu.
U so bulu hè putenti, è a so dimarchja hè saltichjanti.
Storia è dinuminazioni
[mudificà | edità a fonte]A spezia Coccothraustes coccothraustes hè statu discritta pà a prima volta da u naturalistu svedesu Carl von Linné in u 1758 sottu à u nomu iniziali di Loxia coccothraustes[3].
Sinunimia
[mudificà | edità a fonte]- Loxia coccothraustes Linné, 1758
Tassinumia
[mudificà | edità a fonte]Siont'è Alan P. Peterson, esistini sei sottuspezii di tagliafarru :
- Coccothraustes coccothraustes buvryi Cabanis, 1862 ;
- Coccothraustes coccothraustes coccothraustes (Linnaeus, 1758) ;
- Coccothraustes coccothraustes humii Sharpe, 1886 ;
- Coccothraustes coccothraustes japonicus Temminck & Schlegel, 1848 ;
- Coccothraustes coccothraustes nigricans Buturlin, 1908 ;
- Coccothraustes coccothraustes schulpini H. Johansen, 1944.
Noti
[mudificà | edità a fonte]- ↑ 'Ss'articulu pruveni in parti da l'articulu currispundenti di a wikipedia in francesu.
- ↑ Battestini (1982).
- ↑ Linnaeus, C. (1758). Systema Naturae per regna tria naturæ, secundum classes, ordines, genera, species, cum characteribus, differentiis, synonymis, locis, Tomus I. Editio decima, reformata. Holmiæ: impensis direct. Laurentii Salvii. i–ii, 1–824 pp : pagina 171