Vai al contenuto

Stige

À prupositu di Wikipedia
U Stige in l'illustrazione di a Divina Cummedia da Gustave Doré

U Stige (in grecu anticu : Στύξ, Stýxx - da u verbu στυγέω, "udià "), ancu chjamatu " fiume di l'odiu ", hè unu di i cinque fiumi di l'inferni sient'è a mitulugia greca è rumana.[1]

Storia[mudificà | edità a fonte]

Sient'è u mitu, u Stige si stendia in nove grande ghjirivolte chì furmavanu un padulu, chjamatu padulu stigiu, chì ostruia a stretta ver'di l'esciale di l'inferni. L'altri fiumi infernali eranu u Cocitu (fiume di i pienti), l'Acheronte (fiume di u dulore), u Flegetone (fiume di u focu) è u Lete (fiume di l'ubliu).

I dii invucavanu u Stige cum'è tistimoniu in i so ghjuramenti, pristendu fideltà à i principi informadori di u cosmu, chì a putenza di u fiume era tale ch'elli u timianu ancu elli, è un certu ghjuramentu era una formula inviulabile : s'è un diu era suspettatu di buciardà, Zeus li facia beie una cerra d'acqua di 'ssu fiume, è s'è u Stige scopria ch'è ellu avia buciardatu, u diu passava un annu in u coma è nove anni luntanu da i simposii.

E so acque avianu ancu u putere di rende invulnerabile : Teti ci tuffò u so figliolu Achille, ma u ritense pè u calcagnu, chì, ùn essendu micca statu tuccatu da l'acqua, diventò u so pruverbiale puntu debule.

Influenza culturale[mudificà | edità a fonte]

Astronumia[mudificà | edità a fonte]

Una di e lune di Plutone hà ricevutu u nome di u fiume. U Dorsum Stige annantu à a pianeta Marti hè numinatu siont'è u Stige.

Litteratura[mudificà | edità a fonte]

  • Cum'è numerosi altri lochi di a mitulugia classica, u Stige hè ancu statu ripigliatu da Dante Alighieri in a Divina Cummedia : u fiume ci diventa u quintu chjerchju di l'infernu, in u quale sò tuffati i zergosi è summersi i stundachjoni.
  • U Stige apparisce ancu in a saga Percy Jackson è i dii di l'Olimpu. U prutagonistu, Percy Jackson,ciotta in u fiume infernale, scuntrendu ancu u fantasimu d'Achille, cù u fine di acquistà e cumpitenze necessarie per cumbatte à Cronu in " Percy Jackson è i dii di l'Olimpu - l'intoppu finale ".
  • In a saga di a spada di ghjacciu, u Stige ùn hè micca una vadina ma un lavu suttarraniu.

Musica[mudificà | edità a fonte]

U gruppu di rock americanu Stige hè statu chjamatu siont'è a vadina.

Note[mudificà | edità a fonte]

  1. 'Ss'articulu pruveni in parti da a wikipedia in talianu.