Vai al contenuto

Stazzona di a Funtanaccia

À prupositu di Wikipedia
(Reindirizzamentu da Stazzona di u Diavuli)
A stazzona di a Funtanaccia

A Stazzona di a Funtanaccia hè una stazzona di Corsica. Si trova annantu à a cumuna di Sartè, in u situ archiulogicu di Cauria. Hè ancu chjamata a stazzona 'llu Diavuli.

Storia[mudificà | edità a fonte]

A stazzona di a Funtanaccia, in un'illustrazioni di u libru L'isuli sminticati: Imprissioni di viaghju in l'isuli Baleari, a Corsica è a Sardegna di Gaston Vuillier[1]

Sicondu D'Anna[2]: "A prima discrizzioni di u munimentu hè divuta à Prosperu Mérimée chì visiteghja l'altupianu di Cauria mentri u so viaghju d'aspizzioni in Corsica in u 1839. A Stazzona 'llu Diavuli, hè dighjà stata abbuttata tandu . A camara hè biota. Ùn ci hè nisciuna vistiga di tumulu visibuli. Mérimée publicheghja un disegnu è dà i diminsioni di l'ottu petri chì custituiscini u munimentu. A camara misura 3,15 m x 2,05 m è 1,65 m d'altezza. A lastra di cupartura, misurendu 3,50 m x 2,30 m, hè sbaffata.".

Discrizzioni[mudificà | edità a fonte]

A stazzona di a Funtanacca hè longa 2,60 m, larga 1,60 m è alta 1,80 m. Hè cunsidarata una di i più belli stazzoni di Corsica datu i so diminsioni è u so pesu chì varca 15 tonni. Hè dinò una di i stazzoni di Corsica frà i meddu cunsirvati.

Sient'è D'Anna[3]: "A camara hà una forma in pianu appena trapezuidali. Com'iddu era dighjà statu mintuvatu da di Mortillet, a lastra di u latu hè ingaghjata trà l'urtustati, ciò chì hè dinò u casu pà i stazzoni d'Arghjola, di Settiva è di u Taravu. 'Ssu modu architittonicu ùn hè eppuri micca sistematicu in Corsica, apposta ch'iddu ùn si ritrova nè in Cardiccia, nè annantu à i stazzoni di u Monti Revincu.".

Noti[mudificà | edità a fonte]

  1. Vuillier (1896).
  2. D'Anna (2017), par. 2.
  3. D'Anna (2017), par. 13.

Da vida dinò[mudificà | edità a fonte]

Riferimenti[mudificà | edità a fonte]

  • Gaston Vuillier, L'isuli sminticati : Imprissioni di viaghju in l'isuli Baleari, a Corsica è a Sardegna, 1896, Hutchinson & Co (in inglesu)
  • Leandri, Franck è Chabot, Laurent (2003). Munimenti di Corsica - Monuments de Corse, Edisud. Aix-en-Provence (in francesu)
  • André D’Anna, « Sartè - Stazzona di Fontanaccia », ADLFI. Archiulugia di a Francia - Infurmazioni, Corse, 2017 (in francesu),

Liami[mudificà | edità a fonte]




I stazzoni di Corsica

A Casa di l'Orca - A Casa di l'Orcu - A Tola di u Turmentu - A Stazzona di a Funtanaccia -