Sciuppettu

À prupositu di Wikipedia
U sciuppettu
Citrullus colocinthus habit.jpg
Citrullus colocynthis
Classificazione scentifica
Regnu Plantae
Divisione Magnoliophyta
Classa Magnoliopsida
Ordine Cucurbitales
Famiglia Cucurbitaceae
Generu Citrullus
Nome binuminale
Citrullus colocynthis
Aiton, 1753
U sciuppettu

U sciuppettu (Citrullus colocynthis (L.) Schrad.) hè una pianta erbacea, vivace, appartinendu à a famiglia di i Cucurbitaceae.[1]

Distribuzione è ambiente[mudificà | edità a fonte]

U sciuppettu hè originariu di e rigione calde di u bacinu mediterraniu è di l'Africa. Cresce in e terre rinose è aride.

Hè prisente in Corsica.

Morfulugia[mudificà | edità a fonte]

U sciuppettu s'assumiglia à una pastecca miniatura in tutte e so parte.

Purtamentu[mudificà | edità a fonte]

U sciuppettu pussede i piccioli longhi circa un mezu metru, più o menu ramificati. A radica hè larga è carnata. A pianta sana hè piluta è roza.

Casce[mudificà | edità a fonte]

E casce sò roze, incù 3-5 divisione à lobi prufondi.

Fiori[mudificà | edità a fonte]

I fiori sò monoichi, sulitarii, purtati da corti piccioli gialli verdicci incù una curolla. I masci anu un caliciu più cortu ch'è a curolla, divisu insin'à a mità in lobi incurvati à l'arice. Anu 5 stamine. E femine anu 3 staminoidi.

Frutti[mudificà | edità a fonte]

U fruttu hè sfericu, da 5 à 10 cm di diamitru, largu di regula 6 à 8 cm, ricopertu à u stadiu immaturu da u caliciu permanente, po nudu è tisgiu, appena marmerizatu di giallu à maturità.

Granelli[mudificà | edità a fonte]

I granelli misuranu 5 mm di longu è 3 mm di largu. Sò di culore grisgiu o giallu grisgiognu.

Storia[mudificà | edità a fonte]

'Ssa pianta, cunnisciuta da l'Egizziani, hè minziunata da 1500 avanti G.-C. U so usu era per u più un purgativu radicale. A so utilisazione hà diminuitu in a farmacopea dapoi a medità di u XIXu seculu datu a so assuciazione incù i casi d'intusicazione è uni pochi di morte suspetti.

Note[mudificà | edità a fonte]

  1. 'Ss'articulu pruvene in parte da l'articulu currispundente di a wikipedia in talianu.

Riferimenti[mudificà | edità a fonte]

  • Gamisans, J. & Jeanmonod, J. (1993) Catalogu di i pianti vascularii di Corsica, Cunservatoriu è giardinu butanicu di a cità di Geneva, Geneva, 1993 (in francesu).