Sant'Eramu d'Aiacciu
Sant'Eramu d'Aiacciu hè una ghjesgia di Corsica. Hè situata in a cità d'Aiacciu, in u carrughju Forcioli Conti. U santu patronu di a ghjesgia hè Sant'Eramu, u patronu di i naviganti è di i piscadori. Frà l'elementi rimarchevuli chì si trovani in a ghjesgia, si pò mintuvà una statua di Sant'Eramu. Ma a particularità di a ghjegsia hè a prisenza di circa dodici navi (riali o in pittura), appesi à i mura o à a volta di u sulaghju supranu. Sò voti chì currispondini à un'offrita à Diu o à i Santi, dopu à un avvinimentu chì cuncirnava i marinari, com'è una timpesta o un accidenti.
Storia
[mudificà | edità a fonte]
A ghjesgia Sant'Eramu d'Aiacciu hè un'anziana ghjesgia di u Culleghju di i ghjisuiti, chì fù edificata in 1617. Era chjamata tandu a ghjesgia di u Culleghju (A Madonna di a Misericordia, Adecec). In 1815 a ghjesgia fù cunsacrata à u cultu è piazzata sottu a prutizzioni di Sant'Eramu.
Riferimenti
[mudificà | edità a fonte]- Aiacciu: A Ghjesgia Sant'Eramu, Ghjuvanni Alesandri, Corse-Matin
- I Santi - Marzu - A Madonna di a Misericordia, Adecec Archiviu 2010-09-18 at the Wayback Machine