Ricciu

À prupositu di Wikipedia
Ricciu
U ricciu
U ricciu (Corsica)
Classificazione scentifica
Regnu: Animalia
Phylum: Chordata
Classa: Mammalia
Ordine: Insectivora
Famiglia: Erinaceidae
Sottufamiglia: Erinaceinae
Generu: Erinaceus
Spezia: E. europaeus
Nome/u binominale/i
Erinaceus europaeus
Linnaeus, 1758
U ricciu
U ricciu


U ricciu (Erinaceus europaeus) hè un mammiferu. U nomu veni da a parolla latina ericius. U ricciu hè cumunu in Auropa. Si trova dapartuttu, fora di a muntagna. A punta di u so capu è di u so spinu sò cuparti di spini longhi di 2 o 3 centimetri. Sò numarosi : più di 15 000. U restu di u corpu porta grossi pela. I pedi hani cinqui cuscinetti ancu cinqui sgrinfii. U pesu d'un ricciu varieghja trà 500 è 800 grammi. U ricciu mangna varma, sammartini, lumachi è insetti. Ma pò ancu mangnà animali più maiori com'è l'aciartula o a ranochja. U ricciu hè un animali chi vivi di notti. Dormi tutta a ghjurnata. A so vista hè debuli mà u so odoratu è a so audita sò bunissimi. U so carataru hè asuciali è agressivu : vivi solu fora di l'epica di ripruduzzioni, da maghju à luddu. U ricciu femina catiddeghja da unu à setti chjuchi chì misurani da 6 à 8 centimetri. Ghjunti i primi freti, si meti in letargià, durmendu d'uttrovi fin'à marzu. U ricciu hà poghi numichi parchì i so spini facini una vera armatura. Ma ferma quantunqua a volpi è l'omini ancù i vitturi è l'incendii.

U ghjovanu di u ricciu

In Corsica[mudificà | edità a fonte]

In Corsica u ricciu si trova dignalocu, ma micca in altu ed hè raru di truvà lu sopra à 500 metri. In a cultura pupulari, si dici suventi chì ci hè dui spezii di ricci, incù dui tipi di grugnuli: u grugnulu di porcu è u grugnulu di ghjacaru. Di fatti, ùn ci hè ca una sola spezia di ricciu. Ci hè un solu animali ma hè esattu chì u so aspettu cambia da una staghjona à l'altra. Di branu, u ricciu hè magru è t'hà un grugnulu chì pari quiddu d'un ghjacaru (com'è quiddu chì hè annant'à u ritrattu). Inveci di vaghjimu, u ricciu hè grassu è t'hà un grugnulu chì s'assumiglia à quiddu d'un porcu. U ricciu corsu hè di culori più scuru ch'è quiddu di u ricciu cuntinintali (grisgiu neru). In certi rigioni di Corsica si manghjava u ricciu ; cottu annant'à brusta o in tianu.

Prutizzioni[mudificà | edità a fonte]

U ricciu hè una spezia prutetta.

Rifarenzi[mudificà | edità a fonte]

  • Parcu Naturali Rigiunali di a Corsica, I mammiferi in Corsica - Les mammifères en Corse, 1987

Da veda dinò[mudificà | edità a fonte]