Pruvincia di Sassari

À prupositu di Wikipedia
Andà à: Navigazione, Ricerca
U Palazzu di a Pruvincia, attuali sedi di l'amministrazioni pruvinciali.

A pruvincia di Sassari hè una di l'ottu pruvincii di Sardegna.[1]

Giugrafia[mudificà | edità a fonte]

A cità di Sassari

A cità di Sassari, capitala di 'ssa pruvincia, hè d'urighjini nuragica. Hè a più cità impurtanti situata in a parti nordupunenti di l'isula. Cumprendi à u nordu a pianura di a Nurra, u prumuntoriu di Stintino è l'isula di l'Asinara chì chjudini u golfu d'Asinara. À u sudu, si pò rimarcà una vasta vigata di muntagni è l'altupiani d'urighjini vulcanica di u Logudoru.

Turismu[mudificà | edità a fonte]

A turra di San Ghjacumu in Algheru

In cità, parichji munimenti sò degni d'attinzioni : a cattidrali di stili goticu è baroccu spagnolu, a ghjesia Santa Catalina, gotica incù influenzi di a Rinascita. U centru di a cità hè a vasta Piazza d'Italia induva l'abitanti si scontrani par a so tradiziunali spassiata. Da quà, a parsona pò falà longu à u famosu Corsu Vittorio Emmanuele, à traversu à i picculi carrughji di a vechja cità.

Oltri Sassari, si trova à Algheru, anziana cità catalana, attualmenti grandi centru turisticu chì ni ci voli à ramintà l'attività di pesca è l'attività agricula di i so circonda fertili.

Più à livanti, sempri in bordu di mari, si drizza Castelsardu chì a so vechja cità medievali hè bedda cunsirvata.

Amministrazioni[mudificà | edità a fonte]

U 9 maghju di u 2005, 25 cumuni di a pruvincia di Sassari ni sò stati staccati, dopu à l'alizzioni pruvinciali, par custituiscia l'escinziali di a pruvincia d'Olbia è Tempiu di pocu criata in a rigioni storica di a Gaddura.

Cumuni[mudificà | edità a fonte]

Algheru · Anela · Ardara · Banari · Benetutti · Bessude · Bonnanaro · Bono · Bonorva · Borutta · Bottidda · Bultei · Bulzi · Burgos · Cargeghe · Castelsardo · Cheremule · Chjaramonti · Codrongianos · Cossoine · Erula · Esporlatu · Florinas · Giave · Illorai · Ittireddu · Ittiri · Laerru · Mara · Martis · Monteleone Rocca Doria · Mores · Muros · Nughedu San Nicolò · Nule · Nulvi · Olmedo · Osilo · Ossi · Ozieri · Padria · Pattada · Perfugas · Ploaghe · Porto Torres · Pozzomaggiore · Putifigari · Romana · Santa Maria Coghinas · Sassari · Sedini · Semestene · Sennori · Siligo · Sorso · Stintino · Tergu · Thiesi · Tissi · Torralba · Tula · Uri · Usini · Valledoria · Viddalba · Villanova Monteleone

Noti[mudificà | edità a fonte]

  1. 'Ss'articulu pruveni in parti da l'articulu currispundenti di a wikipedia in francesu.