Ponti di Spin'à Cavaddu

À prupositu di Wikipedia
Jump to navigation Jump to search
U Ponti di Spin'à Cavaddu

U Ponti di Spin'à Cavaddu (o Ponte di Spin'à Cavallu) hè un ponti di Corsica, annantu à u Rizzanesu. Hè situatu in Alta Rocca, trà Prupià è Sartè. Hè longu 64 metri, è largu 2,60 metri. Hè unu di i più ponti cunnisciuti di Corsica. U ponti hè à spissu cunsidaratu com'è un ponti ghjinuvesi, ma difatti hè statu custruitu da i pisani duranti u seculu XIII. U ponti hè classatu com'è munimentu storicu dapoi 1976.

U nomu faci rifarenza à a forma arcata di u ponti, chì s'assumidda à quidda di un spinu di cavaddu. U ponti hè eccezziunali par via di a so arcata, chì s'inalza à 8 metri supra à u liveddu di l'acqua di u Rizzanesi.

U ponti hè statu rimissu in istatu duranti u XVIIIesimu è u XIXesimu seculu.

U ponti hà resistutu à a fiumara di 1993 di u Rizzanesu è di u Fiumiciculu.

Storia[mudificà | edità a fonte]

U ponti hè statu custruitu à u seculu XIII. Ùn hè micca un ponti ghjenuvesi[1] chì difatti hè pisanu. U ponti saria statu edificatu da l'architettu Masciu Maternatu, urighjinariu di u cuntinenti talianu, chì stava in Surbuddà è avaria custruitu dinò u Campanili di Carbini.

Itinerariu[mudificà | edità a fonte]

Da Prupià, si pidda u stradonu naziunali N196 in dirizzioni di Sartè. Dopu si pidda à manca u stradonu dipartimentali D268, in dirizzioni di Santa Lucia di Tallà. U ponti si trova à trè kilomitri da a cansa.

Gallaria d'imagini[mudificà | edità a fonte]

Noti[mudificà | edità a fonte]

  1. I ponti ghjenuvesi sò stati edificati in Corsica trà u seculu XIV è u seculu XVI.

Rifarenzi[mudificà | edità a fonte]

  • Leandri, Franck è Chabot, Laurent (2003). Munimenti di Corsica Edisud. Aix-en-Provence (in francesu).

Liami[mudificà | edità a fonte]

Da veda dinò[mudificà | edità a fonte]