Pieter Huys

Pieter Huys (circa 1519-circa 1581-1584) era un pittori è intagliadori di u periodu di a Rinascita in i Paesi Bassi spagnoli. Hè cunsidaratu com'è unu di i maneristi anversesi^[1] .

Biugrafia[mudificà | edità a fonte]

Pieter Huys era u figliolu di u pittori è intagliadori Adrien Huys. Divintò maestru in u 1545 à Anvers è ci firmò attivu sin'à almenu in u 1577. Pinghjia in u stili di Ghjirolmu Bosch o pruducìa "satanarii", fantaziosi è umuristichi in u stili di Brueghel, ma pruducìa dinò pezzi di genaru. Disignò dinò caricaturi anti-catolichi. Hà ancu fattu l'incisioni illustrendu i libra editati da Christophe Plantin.

Incù i pittori Jan Wellens di Cock (1475/80? - nanzi 1529), Arrigu Bles (Dinant 1500/10 - dopu 1555) è Jan Mandyn (1500/02 - 1559/60), Pieter Huys hè classatu in u gruppu di i pittori anversesi chì erani l'epiguni di Ghjirolmu Bosch (1450/60 - 1516) in a tradizioni di a pittura fantastica è fundàni cusì un genaru di manerismu di u Nordu.

Huys ùn hà ch'è pocu firmatu è datatu i so dipinti. Bon parechji di i so attribuzioni sò sughjetti à cauzioni.

Opari[mudificà | edità a fonte]

Si cunnosci quattru dipinti firmati da 'ss'artistu :

Tantazioni di Sant'Antonu, oliu annantu à panneddu firmata è datata versu u centru " Peeter Huys fecit 1547 ", 70 x 103 cm, Museiu di u Louvre, Parighji, inv. R.F. 3936.
U ghjucadori di carramusa è a vechja, oliu annantu à panneddu, firmatu è datatu " P. HVIIS Fe. 1571 ", Gemäldegalerie, Berlin, inv. 693.
L'Infernu, oliu annantu à panneddu firmatu " Peeter Huys fe. 1570 ", 86 x 82 cm, Museo Nacional del Prado, Madrid, inv. P02095.
Tantazioni di Sant'Antonu, oliu annantu à legnu liccinu firmatu è datatu versu u centru " P. Hvijs Fec 1577 ", 77 x 93,9 cm, Museiu Mayer van den Bergh, Anvers, inv. MMB.0109.

Altri dipinti attribuiti à Pieter Huys[mudificà | edità a fonte]

U Ghjudiziu Ultimu, oliu annantu à panneddu datatu in u bassu à u mezu, annantu à a parti uriginali di u quatru pintu " 1554 ", 133 x 100 cm, Musei reali di i Beaux-Arts di Belgica, Bruxelles, inv. 3900.
Estrazioni di a petra di tuntia, Museiu d'arti è d'archiulugia di u Périgord, Périgueux.
Estrazioni di a petra di tuntia, 1561, oliu annantu à legnu, 106 x 133,5 cm, Wellcome Library, Londra, inv. ICV No 17940.

Noti[mudificà | edità a fonte]

↑ 'Ss'articulu pruveni in parti da l'articulu currispundenti di a wikipedia in francesu.

Bibliugrafia[mudificà | edità a fonte]

Ghjacumu Lassaigne & Robert L. Delevoy, Die Flämische Malerei von Hieronymus Bosch bis Rubens, Geneva, 1958 ;
Carlu David Cuttler, Northern Painting. From Pucelle to Bruegel, New York, 1968 ;
Gerd Unverfehrt, Hieronymus Bosch. Die Rezeption seiner Kunst im frühen 16. Jahrhundert, Berlinu, 1980.

[1] 'Ss'articulu pruveni in parti da l'articulu currispundenti di a wikipedia in francesu.

[1]