Paddaghju

À prupositu di Wikipedia
Jump to navigation Jump to search
L'infilarata di stantari di Paddaghju

Paddaghju (o Palaghju) hè un situ preistoricu di Corsica situatu annantu à a cumuna di Sartè chì conta 258 megaliti, fendu di 'ssu situ u più alliniamentu impurtanti di u mari Tarraniu.[1]

Situazioni[mudificà | edità a fonte]

U situ di Paddaghju hè situatu à u mezupunenti di Sartè, versu u paisolu di Tizzà, annantu à u stradonu D 48.

Discrizzioni[mudificà | edità a fonte]

U situ di Paddaghju

L'infilarata di stantari hè urganizata in setti gruppi, sei uriintati nordu-sudu è un antru livanti-punenti. I stantari sò sculpiti à forma di prufilu umanu (bench'è nisciuna ùn aghji a testa sgaghjata), essendu a maiò parti abbuzzati à l'ingrossu. I trè statui t'ani i spadi incisi è dui t'ani ancu i pugnali, d'altri incisioni supposti pudariani essa attributi anatomichi.

I casciona funirarii ci sò ancu stati scuparti. Unu solu hè sempri cunsirvatu, chì cuntinia mubiglia di l'ità di u brunzu anticu chì si trova avali in u museiu di Sartè. I cuppetti alliniati sò visibuli annantu à unu di i so muntanti. Certi autori ci vidini i figurazioni stiddari o un mutivu liatu à u cultu di l'acqua, 'ssi cuppetti parmittindu evintualamenti di racodda l'acqua piuvana incù i virtù magichi.

Storia[mudificà | edità a fonte]

I stantari sò stati addrizzati trà 1900 è 1000 innanzi à Cristu. U situ hè statu ricinsatu par a prima volta in u 1889 da Étienne Michon, chì ci conta sissanta à sittanta stantari in dui gruppi. Giraux ni scopri una dicina di più in u 1914. Roger Grosjean ci effittuighja parichji campagni di scavi da 1964 à 1968 è porta u numaru di munuliti scuparti à 255 è trè statui, ciò chì u porta à qualificà u situ di laburatoriu di u migalitismu corsa.

U situ hè classificatu à i munimenta storichi par via di un arristatu di u 23 di uttrovi 1974.

Paddaghju
Paddaghju
Paddaghju

Noti[mudificà | edità a fonte]

  1. 'Ss'articulu pruveni in parti da l'articulu currispundenti di a wikipedia in francesu.

Rifarenzi[mudificà | edità a fonte]

Liami[mudificà | edità a fonte]


I siti archeologichi di Corsica

A Figa - Apazzu - Araghju - Araguina-Sennola - Basi - Bizzicu Rossu - Capu di Bonu - Cardiccia - Casteddu di Puzzonu - Cauria - Ceccia - Ciuttulaghja - Cuccuruzzu - Cuntorba - Currachjaghju - Figa la Sarra - Filitosa - Foci - A Funtanaccia - Gritulu - Monte Grossu - Monte Lazzu - Paddaghju - Presa-Tusiu - Pughjaredda - U Rinaghju - Rusumini - Settiva - Stantari - Casteddu di Tappa - Tivulaghju - Tremeca - Vasculaghju