O Signore cosa ci hè

À prupositu di Wikipedia
Jump to navigation Jump to search

O Signore cosa ci hè hè un cantu tradiziunale di Corsica.

O Signore cosa ci hè[mudificà | edità a fonte]

O signore cosa ci hè, ma cosa ci hè, ma cosa ci hè in stu paese
Dicenu ch’hè ghjuntu Andrì sta mane per lu battellu
A so mamma ùn pò più stà, ma cosa ci hè, ma cosa hà
Ghjunghje da terra chinese
A so mamma ùn pò più stà, ma cosa ci hè, ma cosa hà
Pare ch’ellu hè capurà.
O signore chì nutizia, hè ghjuntu per lu battellu
U figliolu di Letizia chì hè quasi culinnellu
Hà mandatu pè circà lu arrimane à la cità
U so carrittellu giallu cù a sumera di Natà.
Hè scalatu avanti notte cù una tinuta fiammente
Saluta le giuvanotte è dice à chì vole sente
« c’est trois mois que je voyage
Sans avoir le mal de mer
J’ai risigué faire naufrage
Le bateau saltait en l’air ».
A so mamma hè scimita è di vede lu cusì
Li sussurra intimichita « u me figliolu ùn sì fattu per stà quì ».
U merre prontu è ghjelosu preca ch’ellu parti via
Chì st’omu periculosu pò caccià li a merria
A donna senza maritu ùn si pò addurmentà
Eccu ci un bellu partitu ch’ùn vogliu lascià scappà.