O Ciucciarella

À prupositu di Wikipedia
Jump to navigation Jump to search

O Ciucciarella hè una nanna tradiziunale di Corsica.

O ciucciarella[mudificà | edità a fonte]

O Ciucciarella
Nun sai quantu t’adoru
Le to bellezze
Le to cullane d’oru
Ciucciarella inzuccherata
Quantu hè longa sta nuttata
Fà la ninna fà la nanna
Lu to babbu hè à la campagna.
Sò statu à l’ortu
Sta mane di bon’ora
Ciucciu nun ci era
Chì era andatu à la scola
Tuttu era per vede à tè ne
O mazzulu di viola
Fà la ninna fà la nanna
Lu to babbu hè à la campagna.
Cullà ne vogliu
Quassù per le cullette
Ci sò le capre
Le muvre è le cervette
Quassù sò li trè cunigli
Corri tù, s’è tù ti pigli
Fà la ninna fà la ninna
Lu to babbu hè à la campagna.
Trovu aghju un nidu
Nentru ci era duie ove
Sò statu à vede
L’acellu chì le cova
Era un nidu di culomba
È trè volte l’aghju trova
O culomba cullerata
Cusi longa sta nuttata.
Zifula puru
È mughja o tramuntana
Filgu lu linu
È carmingu la lana
Fattu t’aghju lu mantellu
È guarnitu la suttana
Lu to mantellu fatatu
Tuttu intornu riccamatu.