Muschettu

	U muschettu

Regulus regulus

Classificazione scentifica

Regnu

Animalia

Divisione

Chordata

Classa

Aves

Ordine

Passeriformes

Famiglia

Regulidae

Generu

Regulus

Nome binuminale

Regulus regulus
Linnaeus, 1753

U muschettu (Regulus regulus) hè un acellu di a famiglia di i Regulidi.

Descrizzione

U muschettu hè u più chjucu acellu europeu (menu di 10 cm di lunghezza), cupertu di piume di culore grisgiu o olivastru, attravirsatu da strisce bianche annantu à l'ale. Annantu à u capu hà una striscia gialla (o ancu arancione ind'è u masciu) trà duie strisce nere. Dispone d'un bizzicu cortu è pinzutu.^[1]

Biolugia

Insettivoru, incù un cumpurtamentu gregariu, d'inguernu u muschettu pò furmà gruppi incù diverse spezie di Paridae. Ùn teme micca particularmente l'omu, è si lascia avvicinà ancu à distanze corte.

U muschettu hè un acellu migratore chì si culloca versu e righjone più calde durante l'inguernu. Si ciba par u più di mastaruculi, di picculi ragni è di larvi. U so rigimu alimintare hè cumplittatu da baghi è i granelli durante i mesi i più freti. Custruisce u so nidu in i cuniferi, usendu matiriale tali murzi, piume è ragnate. A femina dipone di regula trà 5 è 10 ovi, ch'ella incuba durante circa duie simane.

Distribuzione è ambiente

U muschettu campa per u più in e fureste di pini di l'Europa sittentriunale è di l'Asia. Hè un acellu parzialmente migratore: mentre parechje pupulazione sò sedentarie, altre nidificheghjanu in e zone più sittentriunale di l'ariale è inguernanu in quelle più meridiunale. Si pò dunque truvà in l'Europa cintrale, in l'Azzorre, in e Canarie è in l'isule maiò di u Mare terraniu.

In Corsica

U muschettu hè prisente cumunu in Corsica, sopratuttu in e fureste. ^[2]

Tassunumia

U muschettu appartene à a famiglia di i Regulidae. Hè calchì volta cunsidaratu cum'è una sottuspezia di Regulus ignicapilla. Eppuru, i studii genetichi ricenti ani mustratu differenze significative trà e duie spezie, ghjustifichendu a so classifica distinta.

Lessiculugia

U muschettu hè ancu chjamatu u rè di machja, u tupaghjolu, a cannechja o u frìsgiulu (per via di u frisgiu ch'ellu hà in capu).^[3]

Note

↑ Svensson (2009).
↑ Thibault & Bonaccorsi (1999), Thibault (2006).
↑ Battistelli (1982).

Bibliugrafia

Lars Svensson, Guida di l'acelli d'Europa, Nordu Africa è vicinu oriente, 2009, Ricca Editore
J.-C. Thibault & G. Bonaccorsi, The birds of Corsica, British Ornithologists’ Union, Check-list n°17, 1999
J.-C. Thibault, Connaître les oiseaux de Corse - Acelli di Corsica, Ed. Albiana, 2006

Ligami

Ghjuvan Petru Battestini, L'acelli, Adecec, 1982

Altri prugetti

Regulus regulus annantu à Wikimedia Commons.

[1] Svensson (2009).

[2] Thibault & Bonaccorsi (1999), Thibault (2006).

[3] Battistelli (1982).

[1]

[2]

[3]