Marta Franceschini

Marta Franceschini detta Davia (Dawiya, "a luminosa"), nata u 25 d'aprile di u 1755 à Tunisi è morta in u 1799 à Larache, hè stata una sultana di u Maroccu. In Curbara da induve i so parenti sò originarii, hè cunnisciuta cum'è "imperatrice di u Maroccu".

Biugrafia

Curbara, u paese nativu di Davia

Marta Franceschini era a figliola di Silvia (nata Monchi) è Ghjacumu Maria Franceschini, corsi di u paese di Curbara chì sò stati rapiti è purtati in Tunisi. Sò stati cumprati dopu da u Dey di Tunisi. Ma Ghjacumu Maria Franceschini diventa survigliante di i schiavi è ottene a so cunfidenza. Liberi, voltanu in Corsica induv'elli sò catturati dinù, ma 'ssa volta da di i pirati maruccani.

A bellezza di Davia attraia à Sidi Mohammed ben Abdallah, u sultanu alauitu di u Maroccu, chì a prese in u so harem. In u 1786 diventerà Davia (Dawiya), a so moglia ligittima è prima sultana.

Davia hà avutu una figliola, morta nanzu a so adulescenza.

A casa di i Turchi

Una casa chjamata a casa di i Turchi, architettata à a so dumanda è à e so spese da u so fratellu Vincenzu, hè visibile ancu oghje in Curbara. U so fratellu ci stava à parte da u 1804. A casa hè stata rinnuvata mentre u seculu XX è à u principiu di u seculu XXI.

Bibliugrafia

• Maria Ghjiseppa Loverini, L'interdita : Davia, una sultana corsa à u Maroccu, Aiacciu : Albiana, 2005 (in francese).

Ligami

• Davia, annantu à u situ di a cumuna di Curbara