Madunuccia

À prupositu di Wikipedia
Jump to navigation Jump to search

A Madunuccia hè una festa nata in 1656, à l'epuca duva parechji rughjuni d'Italia eranu tuccati da a Pesta. Ghjera u casu d'a cità di Ghjenuva; ghjè à issa epuca chì u Cunsigliu di l'Anziani decidò di metta a cità d'Aghjacciu sottu à a prutezzioni di a virghjina miraculosa di Savona, Nostra Signora di a Misericordia.

Festa aghjaccina[mudificà | edità a fonte]

U 18 di marzu si festighjeghja dunqua a Madunuccia in Aghjacciu. A celebrazioni cumincia a sera d'u 17 di marzu cù i prighieri aghjaccini tradiziunali davanti à a statua di Nostra Signora di a Misericordia, nantu à a Piazza di i Palmi.

U 18 di marzu, u cunsigliu municipali si renda in curteghju à a cattedrali pà assistì à a grandi messa. U dopu meziornu, a prucessiò faci u giru d'a cità è a statua di Nostra Signora di a Misericordia ghjè seguitata da a ghjenti.