Madonna

À prupositu di Wikipedia

Madonna, nomu cumpletu Madonna Louise Veronica Ciccone (Bay City, 16 d'aostu 1958), ghjè una cantautrice, ballerina, attrice, regista, sceneggiatrice, stilista, produttrice discugrafica è cinematografica statunitense.

Biugrafia[mudificà | edità a fonte]

Diva celebre in tuttu u mondu sinu da i primi anni ottanta, capace di attirà l'attenzione è e critiche di pubblicu è stampa cù i so cumportamenti ritenuti trasgressivi, nun chì par i so videoclip iconichi, Madonna ghjè difinita "The Queen of Pop" (a "Regina di u Pop"). Sicondu u Guinness di i primati ghjè l'artista femminile da e maggiori vendite di a storia di a musica, cù à l'attivu 350 millioni di dischi in tuttu u mondu, di cui 95 millioni in i soli Stati Uniti d'America, u chì a rende a quarta artista cù maggiori vendite in assulutu.

Ghjè inoltre l'artista ad avè piazzatu più DVD musicali à a prima pusizione di a Billboard Albums Chart in l'USA, cù nove tituli finu à u "Sticky & Sweet Tour" di u 2010, chì ghjè u tour di maggior successu di un'artista donna (quintu in totale), nun chì quellu di maggior successu in u rapportu intruiti/date, cù un incassu di oltre 400 millioni di dullari in 85 tappe.

In a so carriera hà vintu numarosi premi, trà cui 50 Billboard Music Awards, 7 Grammy Awards è in campu cinematograficu hà vintu u Golden Globe per a migliore attrice in un film cummedia o musicale per Evita Peron è per a migliore canzone urighjinale per Masterpiece, tratta da u filmu da ella direttu W.E. - Edward e Wallis.