Luzula nivea
| |||||
|---|---|---|---|---|---|
| |||||
| Luzula nivea | |||||
| Classifica scentifica | |||||
| Regnu | Plantae | ||||
| Divisioni | Magnoliophyta | ||||
| Classa | Liliopsida | ||||
| Ordini | Juncales | ||||
| Famiglia | Juncaceae | ||||
| Genaru | Luzula | ||||
| Nomu binuminali | |||||
| Luzula nivea ( L. ) DC. , 1805 | |||||
| |||||
Luzula nivea hè una pianta chì faci parti di a famiglia di i Juncaceae.
Discrizzioni
[mudificà | edità a fonte]Luzula nivea hè una pianta arbacea di a famiglia di i Juncaceae. Si distingui da u so frundamu parsistenti è i so gaspi di fiurareddi bianchi chì fiuriscini da maghju à lugliu. A pianta pò aghjunghja sinu à 60 cm d'altezza, incù fogli d'un verdi bughju, stretti è cuttighjati di pela bianchi.
Ripartizioni
[mudificà | edità a fonte]A Luzula nivea hè urighjinaria di i muntagni d'Auropa, induv'edda si trova tipicamenti in i furesti di cunifari è i chjarini di muntagna. Hè particularamenti prisenti in l'Alpi, i Pirenei, i muntagni di l'Auropa cintrali è i Carpazi.
Luzula nivea hè prisenti in Corsica ma hè rara.[1]
Biulugia
[mudificà | edità a fonte]Luzula nivea hè una pianta adatta à i climi freti è à i terri povari in nutrimenti. Hè capaci à risista à timperaturi bassissimi è à cundizioni ambientali difficiuli. 'Ssa spezia si ripraduci par u più in via vegetativa, furmendu toppi densi. L'impullinazioni di i fiora hè assicurata da l'insetti, tali l'abbi è i sbarabattuli.
Cunsirvazioni
[mudificà | edità a fonte]A Luzula nivea ùn hè micca una spezia minacciata è ùn faci micca l'ughjettu d'una prutizzioni spicifica à u liveddu internaziunali. Eppuri, com'è par tutti i spezii salvatichi, a prisirvazioni di u so ambienti naturali hè escinziali à a so sopravvivenza à longu andà. A disfuristazioni, l'urbanisazioni è u cambiamentu climaticu poni tutti avè un impattu negativu annantu à i pupulazioni di Luzula nivea.
In certi righjoni, sforzi di cunsirvazioni lucali sò missi in sesta pà prisirvà è risturà l'ambienti naturali di 'ssa spezia. Quissa pò inchjuda a prutizzioni di i furesti di muntagna esistenti, a rifuristazioni di spazii sgradati, è l'educazioni di u publicu annantu à l'impurtanza di a prisirvazioni di 'ssi ambienti unichi.
Rifarimenti
[mudificà | edità a fonte]- Jeanmonod D. & Gamisans J. (2013) Flora Corsica (2 ed), Edisud.
Noti
[mudificà | edità a fonte]- ↑ Jeanmonod & Gamisans (2013).
Altri prugetti
[mudificà | edità a fonte]
Luzula nivea annantu à Wikimedia Commons.
