Jaime de Angulo

À prupositu di Wikipedia
Jump to navigation Jump to search

Jaime de Angulo (1887 - 1950) hè statu un linguistu, rumanzieru, è etnomusicolugu americanu.[1]

Biugrafia[mudificà | edità a fonte]

Natu in Parigi da parenti spagnoli, vensi à i Stati Uniti in u 1905 per diventà cow-boy. Si stabilì dopu in San Francisco, listessu annu ch'è u terramutu (1906). Campò stranamente, essendu à quandu vaccaghju, à quandu duttore è psicolugu. Pruvò dinù à tumbà si tagliendu si a gola, in Berkeley. Diventò linguistu, è cuntribuì à a ricunniscenza di i populi indigeni di u nordu di a California.

Cuminciò a so carriera à l'università di California, in Berkeley, in l'annate 1920 è dopu u so matrimoniu incù L. S. Nancy Freeland. Mentre 'ssu periodu, ellu è a so moglia camponu drentu à parechje tribù califurniane è cù u fine di studià ne e culture è modi di vita. De Angulo era particularmente interissatu in u studiu di a semantica è di a grammatica di i sistemi linguistichi tribali. Fubbe dinù fonetistu, è un piunieru di u studiu di l' etnomusicolugia di i populi nordamericani. Cuntribuì à cunsirvà l'arrigistramenti sunori di 'ssi populi. De Angulo currispondia incù altre figure di l'etnolugia : Franz Boas, Alfred L. Kroeber, è Edward Sapir. Ricivì un aiutu cunsiderevule da a fundazione Boas's Committee on American Native Languages.

Versu a fine di a so vita, De Angulo ebbi una vita di zingaru, è ciò dopu a so friquenza di e tribù americane, è in seguitu à un accidente di vittura in u 1933. Si ritirò in un postu isulatu, in Big Sur. Scrissi l'opere, è in particulare fole, in u modu di i coyote tales di e tribù nordamericane. Ezra Pound u cugnumò " the American Ovid " (l'" Ovidiu americanu ") è William Carlos Williams dissi d'ellu ch'ellu era "un di i più scrittori di prima trinca ch'eiu avissi scuntratu". Inspirò i travagli di u linguistu Jack Spicer, u pueta Robert Duncan. Apparisce dinù in l'opere di Jack Kerouac è di Henry Miller. Fubbe dinù un amicu di Harry Partch, Robinson Jeffers, Henry Cowell, Carl Jung è D. H. Lawrence.

Opere[mudificà | edità a fonte]

  • Coyote Man and Old Doctor Loon
  • Coyote's Bones
  • Indians in Overalls
  • Indian Tales, Hill and Wang, 1953
  • The Lariat
  • Old Time Stories, Vulumu 1 : Shabegok, Turtle Island Foundation, 1976
  • Old Time Stories, Vulumu 2 : How The World Was Made, Turtle Island Foundation, 1976

Note[mudificà | edità a fonte]

  1. 'Ss'articulu pruvene in parte da l'articulu currispundente di a wikipedia in francese.

Bibliugrafia[mudificà | edità a fonte]

  • Bob Callahan, A Jaime d'Angulo Reader
  • Peter Garland, The Music of the California Indians
  • Gui d'Angulo (zitella di Jaime), Jaime in Taos: The Taos Papers of Jamie d'Angulo
  • Gui d'Angulo, The Old Coyote of Big Sur: The Life of Jaime d'Angulo
  • Henry Miller, A Devil in Paradise

Ligami[mudificà | edità a fonte]