I Verguli

E trè stelle di a Costellazione d'Orione Alnitak, Alnilam è Mintaka alliniate in u centru formanu I Verguli.

I Verguli sò un asterismu bellu cunnisciutu situatu in a custillazione d'Orione. Sò cumposti da trè stelle lampante alliniate chì sò visibile in numerose parte di u mondu mentre i mesi d'inguernu.

Ossirvazione

I Verguli sò faciule da identifcà in u celu nutturnu per causa di l'alliniamentu distintivu di trè stelle lampante. Servenu à spessu di puntu di riferimentu per lucalizà altre stelle o custillazione. Per indettu, traccendu una linia imaginaria à traversu I Verguli, omu pò truvà a custillazione di u Toru à una punta è a custillazione di u Grande Cane à l'altra.

Caratteristiche

I Verguli si stendenu annantu à una distanza di circa 2,5 gradi in u celu. Benchì e stelle sembranu prossime l'une da l'altre da a nostra pruspittiva dapoi a Terra, sò in rialità siparate da vaste distanze in u spaziu. E stelle di I Verguli sò situate à distanze da 800 à 1500 anni luce di a Terra.

Stelle compunente

E trè stelle chì cumponenu I Verguli sò :

Alnitak (Zeta Orionis)

Hè a stella a più à livante di I Verguli. Alnitak hè in rialità un sistemu di stelle multiplice è hè situata à à l'incirca 1260 anni luce di a Terra.

Alnilam (Epsilon Orionis)

Situata per mezu à I Verguli, Alnilam hè una supergéante turchina chì hè circa 2000 volte più luminosa ch'è u Sole. Hè à una distanza di circa 1975 anni luce di a Terra.

Mintaka (Delta Orionis)

Hè a stella a più à punente di I Verguli. Mintaka hè ancu un sistemu di stelle multiplice è hè situatu à circa 915 anni luce di a Terra.

Riferimenti

• Ciavatti, Petru (dir. redazzione) Dizziunariu U Muntese, 1984, Albiana.

Altri prugetti

• I Verguli annantu à Wikimedia Commons.