Hope (pittura)
Hope ("Spiranza") hè un dipintu à l'oliu rializatu da u pittori inglesu George Frederic Watts. Quistu ultimu hà ultimatu i primi dui virsioni di l'opara in u 1886.[1]
Discrizzioni[mudificà | edità a fonte]
Radicalamenti diffarenti da i trattamenti pricidenti, u dipintu mostra un prufilu feminicciu à l'ochja abbindati, pasata annantu à un globu terraniu è sunendu di lira chì sola una corda li ferma. U fondu hè guasgi biotu, avendu pà sola carattaristica visibuli una stedda. Watts aprada apposta u simbulisimu - currenti artisticu non tradiziunalamenti assuciatu à a spiranza - par renda ambiguu u sensu di l'opara.
Virsioni[mudificà | edità a fonte]
Bench'è Watts aghji ricivutu numarosi offriti di comprita di u dipintu, avia accittatu di dà i so opari i più impurtanti à u so paesi è stimava ch'eddu saria inadequatu di ùn inchjuda micca Hope. In cunsiquenza, più tardi in u 1886, Watts è u so assistenti Cecil Schott ni pinghjini una siconda virsioni. À a fini di i travagli, Watts vendi l'uriginali è ni dà a copia à u South Kensington Museum, l'attuali Victoria and Albert Museum. Cusì, 'ssa siconda virsioni hè megliu cunnisciuta ch'è l'uriginali ed hè oramai à a Tate Britain. Da a seguita, alminu altri dui virsioni sò rializati par i venditi privati.
Nuturietà[mudificà | edità a fonte]
À misura chì i ripruduzioni di Hope cumenciani à circulà in grandi quantità, u dipintu diventa un'imaghjina mori pupulari. Malgradu u diclinu di a pupularità di Watts in i dicennii siguenti, Hope ferma influenti. Parechji parsunalità pulitichi com'è Martin Luther King Jr., Jeremiah Wright o Barack Obama, ani apradatu 'ssa imaghjaria par i so sirmoni o i so discorsi.