Gigliu di mare
| |||||
|---|---|---|---|---|---|
| |||||
| Pancratium maritimum | |||||
| Classificazione scentifica | |||||
| Regnu | Plantae | ||||
| Divisione | Magoliophyta | ||||
| Classa | Liliopsida | ||||
| Ordine | Lamiales | ||||
| Famiglia | Amaryllidaceae | ||||
| Generu | Pancratium | ||||
| Nome binominale | |||||
| Pancratium maritimum Linnaeus, 1753 | |||||
| |||||
U Gigliu di mare (o gigliu di mari) (Pancratium maritimum) hè una pianta vivace bulbosa di a famiglia di l'Amarillidacee (o di e Liliacee sient'è a classifica classica).[1]
Descrizzione[mudificà | edità a fonte]
L'infiuriscenza, cumposta da una piccula dicina di fiori riuniti in ombelle, hè purtata da un picciolu di una trentina di centimi emergendu di un grossu bulbu sutterratu in u rena. Pancratium maritimum pò aghjunghje un'altezza da 30 à 60 centimi. E casce, larghe da 8 à 20 mm, sò in strisce torte in spirale. I fiori, frà i quali u so periantu ponu varcà una dicina di centimi, anu un'odore aggradevule. A curolla hè divisa in dodici denti, dui denti intieri chì siparanu duie stamine. A fiuritura si stende da lugliu à sittembre.
A pianta hà a particularità di pudè sutterrà si più fondu cù u fine di evità u so scalzamentu, o ancu di allungà u so picciolu s'ella hè troppa cuperta di rena.
Aria di ripartizione[mudificà | edità a fonte]
Omu trova u gigliu di mare annantu à u litturale mediterraniu, è ancu annantu à u litturale atlanticu.
Hè arradicata in a rena marittima, à e spiaghje à e dune litturale.
A spezia, per via di a sparizione di u so ambiente tradiziunale (e dune), face l'ogettu di una prutezzione in certe rigione.
U gigliu di mare hè prisente in Corsica.[2]
Biulugia[mudificà | edità a fonte]
U gigliu di mare hè una pianta vivace à bulbu, ciò chì li permette di sopravvive in ambienti difficiuli. A so fiuritura hà locu par u più d'istate, trà ghjunghju è sittembre. I fiori sò inamacati da l'insetti, in particulare l'ape è e farfalle, attratti da u so profume dolce. I granelli sò dopu spergugliati da u ventu è l'acqua.
Tassunumia[mudificà | edità a fonte]
Pancratium maritimum hè u nomu scentificu accittatu pà 'ssa spezia. Hè ancu cunnisciutu sottu à i sinonimi siguenti : Hymenocallis maritima, Hymenocallis pancratioides, è Pancratium litturali.
Usi[mudificà | edità a fonte]
U gigliu di mare hè imprudata cum'è fungicide esternu. U bulbu è e casce cuntenenu una quarantina di alcaloidi chì anu un'attività purgativa, insetticide è fungicide[3]
Lessicu[mudificà | edità a fonte]
U gigliu di mare hè ancu chjamatu lice di mare o pancraziu.[4]
Citazione[mudificà | edità a fonte]
U gigliu di mare hè citatu da Antone Bonifaziu in L’angunia di un paisolu corsu: "bianca cum'è un gigliu".
-
I frutti
-
I fiori
-
Un toppu di gigliu di mare
-
Parechji gigli di mare
Note[mudificà | edità a fonte]
- ↑ 'Ss'articulu pruvene in parte da l'articulu currispundente di a wikipedia in francese.
- ↑ Jeanmonod & Gamisans (2013).
- ↑ Berkova,Luba Evstatievaa & Simeon Popov (2003).
- ↑ A flora di Balagna, ricacciatu di lugliu 2017.
Riferimenti[mudificà | edità a fonte]
- Strahil Berkova,Luba Evstatievaa & Simeon Popov(2003) L'alcaloidi in u Pancratium maritimum di Bulgaria - Alkaloids in Bulgarian Pancratium maritimum (in inglese)
- Jeanmonod D. & Gamisans J. (2013) Flora Corsica (2 ed), Edisud.
Ligami[mudificà | edità a fonte]
Da vede dinù[mudificà | edità a fonte]
Altri prugetti[mudificà | edità a fonte]
Pancratium maritimum annantu à Wikimedia Commons.
