Gagea fragifera
| |||||
|---|---|---|---|---|---|
| |||||
| Gagea fragifera | |||||
| Classifica scentifica | |||||
| Regnu | Plantae | ||||
| Divisioni | Magnoliophyta | ||||
| Classa | Liliopsida | ||||
| Ordini | Liliales | ||||
| Famiglia | Liliaceae | ||||
| Genaru | Gagea | ||||
| Nomu binuminali | |||||
| Gagea fragifera ( Vill. ) E.Bayer | |||||
 | |||||
A Gagea fragifera hè una pianta chì faci parti di a famiglia di i Liliaceae.[1]
Discrizzioni
[mudificà | edità a fonte]Gagea fragifera hà una taglia di 10 à 15 cm. Porta fiora giaddi à sei tepali scumpartuti in dui ciculi. Quiddi sò giaddi annantu à u sopra è verdi è giaddi annantu à a lati infiriori. Si ni chjudini quandu eddu ùn ci hà micca soli. L'anteri di i sei stamini sò fissati à a reta di a so basa. L'uvariu conta trè loghji suparati da un stimma à trè lobi. Dopu à ficundazioni, diventa una capsula chì, aprendu si à maturità da trè valvuli, libareghja i graneddi. A parti aeria esci di dui picculi bulbi circundati di una tunica: da u chjucu esci l'asta fiurali chì cumporta da dui à cinqui fiora. Ùn cresci ch'è una cascia (calchì volta dui) à l'intuttu cava (fistulosa, da induva u so nomu tradiziunali), iscendu trà i bulbi. Dui brattei assumigliendu si à casci lanceulati si sviloppani ancu à a basa di ogni fiori, l'unu avendu a forma di un spata. A pianta hè dissiccata da u mesi di aostu è solu u bulbu sussisti. Ni emana un spichju par assicurà a multiplicazioni vegetativa : quiddu ùn pruduci micca fiora innanzi di avè trè o quattru anni chì devi prima accumulà abbastanza riservi.
Ripartizioni
[mudificà | edità a fonte]A vasta aria di ripartizioni di Gagea fragifera cumprendi l'Auropa è l'Asia. In Auropa cintrali, cresci à l'altitudini cumpresi trà 1200 è 2800 metri, annantu à terri umiti, ricchi di nutrimenti è di solitu povari in calcariu, in i pratulini di muntagna.
Gagea fragifera hè prisenti in Corsica.[2]
Rifarimenti
[mudificà | edità a fonte]- Jeanmonod D. & Gamisans J. (2013) Flora Corsica (2 ed), Edisud.