Cytinus hypocistis
| |||||
|---|---|---|---|---|---|
| |||||
| Cytinus hypocistis | |||||
| Classificazione scentifica | |||||
| Regnu | Plantae | ||||
| Divisione | Magnoliophyta | ||||
| Classa | Magnoliopsida | ||||
| Ordine | Malvales | ||||
| Famiglia | Cytinaceae | ||||
| Generu | Cytinus | ||||
| Nome binuminale | |||||
| Cytinus hypocistis L., 1753 | |||||
| |||||
U fungu muchju hè una pianta parasita chì face parte di a famiglia di e Cytinaceae.[1][2] Nasce annantu à a radica di u muchju.
Descrizzione[mudificà | edità a fonte]
Hè una piccula pianta vivace, parassitu di i muchji cum'è u muchju biancu o u muchju rossu, chì cresce di solitu annantu à e so radiche. Ùn varca micca 7 cm d'altezza. U picciolu hè cortu è cupertu à scaglie carnute. E casce, chì sò dinù carnute, sò di culore giallu vivu è anu un arice chì s'avvicina à l'aranciu è u rossu. I fiori sò riuniti annantu à una spica. E femine sò piazzate in sottu, i masci sopra. Sò di forma rigulare è anu un periante giallu à quattru denti. U fruttu hè giallu è hè una spezia di bagu chì u so inviloppu pruvene da u periante. I granelli sò immersi in una polpa viscosa. U periodu di fiuritura si stende da aprile à maghju.
Distribuzione[mudificà | edità a fonte]
U fungu muchju hè cumunu in tutta la regione mediterranea è dinò in Macarunesia.
Tassonumia[mudificà | edità a fonte]
U fungu muchju fù descrittu per a prima volta da Carl von Linné è publicatu in u Genera Plantarum. I sinonimi di Cytinus hypocistis sò:[3]
- Asarum hypocistis L.
- Cytinus hypocistis var. lutea (Fourr.) Briq.
- Cytinus hypocistis var. ochraceus Guss.
- Cytinus hypocistis subsp. ochraceus (Guss.) Wettst.
- Cytinus hypocistis f. solaris Finschow
- Hypocistis hypocistis (L.) Linding.
- Hypocistis lutea Fourr.
- Thyrsine hypocistis Walp.
In Corsica[mudificà | edità a fonte]
U fungu muchju hè assai cumunu in e muchjete di Corsica. Hè ancu chjamatu a marculella, a franculella, u cuccu o u pedigiallone[4]. Ci sò dui sottuspezie di funghi muchji:
- Cytinus hypocistis subsp. clusii: u fungu muchju rossu è giallu assuciatu incù u muchju rossu
- Cytinus hypocistis subsp. hypocistis: u fungu muchju rossu è biancu assuciatu incù u muchju biancu è u muchjalbellu
Note[mudificà | edità a fonte]
- ↑ 'Ss'articulu pruvene in parte da l'articulu currispundente di a wikipedia in talianu.
- ↑ Lorenzi (2002), p. 160.
- ↑ Cytinus hypocistis en [[The Plant List]] [archiviu 2021-04-14; Ritruvatu 2021-04-14].
- ↑ Leoni è al. (2001).
Bibliugrafia[mudificà | edità a fonte]
- Paulu Simonpoli (dir.) è al., E Piante Salvatiche di Corsica, Parcu Naturale Regiunale di Corsica, , nuvembri 1982
- Laurence J. Lorenzi, Le maquis corse - A machja corsa, L'Harmattan, 2002
- Ghjiseppu Leoni, Gilles Simonpaoli, Cesaru Bradesi, Ghjiseppu Multedo, Ghjuvacchinu Bruzi, Vincente Tabarani, 2001, I funghi, Ghjurnate di l'Adecec