Frìsgiula

Burrarca (Borago officinalis)

A frisgia o frìsgiula (latinu: Borago officinalis) hè una pianta di a famiglia di e Boraginacee, chì cresce à u veranu in i lochi ùmidi, o chì sò travagliati, face fiori turchini. Antri sinònimi d'issa pianta sò burrarca, burrascia, burrace o burracine.

Cucina

E foglie si mèttenu in a suppa nanzu ch’ella fiurisca, di e foglie si ne face dinù una tisana pè i reni. U fiore si mette in a frittata d’ove, in e schjacce. Ghjè inzuccheratu è i zitelli u suchjavanu. Si mette à buleghju cù e viole è si ne face una tisana bona per u pettu.