Filetta feminiccia
| |||||
|---|---|---|---|---|---|
.jpg)
| |||||
| Athyrium filix-femina | |||||
| Classifica scentifica | |||||
| Regnu | Plantae | ||||
| Divisioni | Filicophyta | ||||
| Classa | Filicopsida | ||||
| Ordini | Polypodiales | ||||
| Famiglia | Woodsiaceae | ||||
| Genaru | Athyrium | ||||
| Nomu binuminali | |||||
| Athyrium filix-femina (L.) Roth, 1799 | |||||
| |||||
A filetta feminiccia (Athyrium filix-femina) hè una spezia di filetta chì faci parti di a famiglia di i Woodsiaceae.[1]
U nomu di u genaru Athyrium diriveghja di u grecu atiros (senza porti) datu a forma particulari di i so sori (i strutturi ripruduttivi).
L'epitetu spicificu filix-femina faci rifirimentu à u so portu lebbiu è eleganti à pettu à un'antra spezia (Dryopteris filix-mas) chjamata, datu u so aspettu più ribustu, filetta maschili.
Discrizzioni
[mudificà | edità a fonte]A filetta feminiccia hè una pianta vivaci incù i casci pudendu aghjunghja 1 m di longu, à cuntornu lungarinu o lanceulatu incù una punta lungarina, è i sigmenti di sicondu ordini dinò lungarini o lanceulati, divisi in lobi o lobi dintati.
I strutturi ripruduttivi sò chjamati sori è sò reniformi è lungarini.
Ripartizioni
[mudificà | edità a fonte]L'aria di ripartizioni di a filetta feminiccia copri a cinta timparata di l'emisferu nordu. Hè prisenti in Auropa, in Asia è in America subrana. Si trova in i furesti freschi sinu à a limita altitudinali di a furesta.
A filetta feminiccia hè prisenti in a Corsica sana.[2]
Rifarimenti
[mudificà | edità a fonte]- Jeanmonod D. & Gamisans J. (2013) Flora Corsica (2 ed), Edisud.