Erba santa

À prupositu di Wikipedia
Jump to navigation Jump to search
L'erba santa
Achillea ligustica4.jpg
Achillea ligustica
Classificazione scentifica
Regnu Plantae
Divisione Magnoliophyta
Classa Magnoliopsida
Ordine Asterales
Famiglia Asteraceae
Generu Achillea
Nome binuminale
Achillea ligustica
Aiton, 1753
L'erba santa

L' erba santa (o arba santa) (achillea ligustica) hè una pianta chì face parte di a famiglia di l'Asteraceae.

Discrizzione[mudificà | edità a fonte]

L'erba santa hè alta 30 à 90 cm. U fustu hè drittu. A pianta musca forte. Fiurisce da ghjunghju à aostu. I fiori sò bianchicci. U fruttu hè un acheniu di circa 1,5 mm.

L'erba santa si scontra da 200 à 1700 metri. Si trova in e rigione mediterranie, à spessu in i prati o à u cantu di i stradoni.

U so numeru crumosomicu hè: 2n=18.

L'erba santa hè assai cumuna in Corsica. Hè ancu chjamata l'erba sumerina.

Tassonumia[mudificà | edità a fonte]

Parechji sinonimi di Achillea ligustica sò:

  • Achillea cuneata Sch.Bip.
  • Achillea nobilis subsp. ligustica (All.) Bonnier
  • Achillea sicula Raf.

Usi[mudificà | edità a fonte]

Gastronumia[mudificà | edità a fonte]

In Corsica, l'erba santa hè imprudata in certi paesi per fà e fritelle, à spessu u venneri santu.[1]

Medicinali[mudificà | edità a fonte]

Avvertenza
L'infurmazioni mintuvati qui ani sò solu cunsigli riguardu à a medicina è pudariani essa falsi. I continuti ani solu un fini illustrativu è ùn si poni in nisciuna manera sustituiscia à un avvisu medicali.

In Corsica, si facianu l'inguenti incù l'erba santa per curà e storte.[2] Ci conta dinù Arnestu Papi ch'in San' Ghjuvanni era per appuntu u mumentu di coglie l'erbe salutifere è in particulare l'erba santa:

« U ghjornu o a vighjilia di San Ghjuvanni hè u mumentu santu par codda l’arbi è l’arbetti chì curani i malatii o chì pruteghjani da i malanni. Uni beddi pochi hani virtù straurdinarii. I chjamani « arbi di San Ghjuvanni ». I più cunnisciuti sò l’arba di San Ghjuvanni, « l’arba santa », « a matricaria », o « a matrunella », o « a camumiglia », « a calendula » o « baraculi », « a salvia », « l’eddara », « l’erba di taglia », o « l’artimisia (...).[3] »

À i ghjorni d'oghje, si face in Corsica incù l'erba santa un oliu essenziale.

Note[mudificà | edità a fonte]

  1. Simonpoli (1982), p. 69.
  2. Simonpoli (1982), p. 69.
  3. http://ernestpapi.free.fr/Mesi,%20santi.%20Mois,%20saints.htm Mesi è santi].

Bibliugrafia[mudificà | edità a fonte]

Da vede dinù[mudificà | edità a fonte]