Econumia prisenziale

À prupositu di Wikipedia
Jump to navigation Jump to search

A sprissione econumia prisenziale[1] hè unu neulugismu imprudatu cum'è cuncettu da Laurent Davezies[2] è Christophe Terrier[3] per discrive un'econumia basata annantu à a pupulazione rialmente prisente annantu à unu territoriu chì pò mutà abbastanza lestru, è chì à tempu produce è cunsoma. Hè da cuntrastà incù l'analisi ecunomica classica chì hè basata annantu à i lochi di produzzione tradiziunali (fabbriche, sirvizii, etc.).

Una cuncizzione nuvella di l'econumia regiunale[mudificà | edità a fonte]

A scenza ecunomica regiunale, ancu chjamata geugrafia ecunomica, si sparte in dui approcci : unu hà per ogettu principale a lucalisazione di l'imprese annantu à u territoriu (econumia produttiva), quandu l'altru invece hè cintratu annantu à e pupulazione chì stanu annantu à 'ssu territoriu (econumia residenziale). L'econumia residenziale hè basata annantu à l'idea ch'è a pupulazione chì risede annantu à un territoriu inghjenna un'attività ecunomica à listessu tempu ch'è bisogni di sirviziu.

U sviluppu di a mubilità - è in particulare di u turismu - in u mondu mudernu mudificheghja di manera nutevule u funziunamentu di l'econumia prisenziale chì a pupulazione rialmente prisente annantu à u territoriu diventa varievule, furmata per parte di residenti è per parte di sughjurnanti. 'Ss'evuluzione marca una dissuciazione significativa trà tempu è lochi di produzzione è tempu è lochi di cunsumu. Divintava da tandu necessariu d'aduttà un nome chì ùn face più riferimentu à i soli residenti - chì ponu ancu esse tempurariamente assenti di u territoriu - ma invece à l'inseme di a ghjente prisente.

À Laurent Davezies chì studiava 'ssa prublematica, Christophe Terrier hà prupostu, in u 2002, u nome d'econumia prisenziale. A prima publicazione imprudendu 'ssu termine d'econumia prisenziale hà statu prisintata da Laurent Davezies à u culloquiu di l'ASRDLF (associu regiunale di lingua francese) di sittembre 2004. I studii di a direzzione di u Turismu annantu à l'estimu di a pupulazione prisente (prima publicazione di marzu 2005) hanu custituitu un acquistu majeur per u sviluppu di i studii annantu à 'ssu nuvellu cuncettu.

Traduzzione in inglese[mudificà | edità a fonte]

U termine "econumia prisenziale" si pò traduce in inglese cù "in-place economy". 'Ssa traduzzione hè stata pruposta in u quatru di l'edizione di a siconda virsione di u "Thesaurus multilingue di u turismu è di i spassatempi" in elaburazione da l'amministrazione francese di u turismu è l'Organisazione mundiale di u turismu.

Note[mudificà | edità a fonte]

  1. 'Ss'articulu pruvene in parte o in tutalità da l'articulu currispundente di a wikipedia in francese.
  2. Unu trenu ne pò nasconde un antru daretu l'econumia produttiva, attinzione à l'econumia prisenziale...
  3. http://www.veilleinfotourisme.fr/1170668962530/0/fiche___articulu/&RH=1173709334557 e basa/basamente di l'econumia prisenziale di i dipartimenti]

Bibliugrafia[mudificà | edità a fonte]

  • Davezies Laurent, 2004, Tempu di a produzzione è tempu di u cunsumu : i nuvelli accunciadori di u territoriu ? in Futuribles n° 295, marzu 2004 (in francese)
  • Terrier Christophe, Sylvander Marguerite, Khiati Abdel, Moncere Véronique, 2005, Pupulazione prisenta : metudi di diterminazione à parte inchieste annantu à i turisti.Cumunicazione à e Ghjurnate di Metudulugia Statistica di l'Insee - 15 marzu 2005 (in francese)
  • Terrier Christophe, 2006, L'econumia prisenziale, unu stuvigliu di gistione di u territoriuin Cahiers Espaces, numeru spiciale Ossirvazione è Turismu (www.rivista-spazii.com) (in francese)
  • Terrier Christophe (dir) 2006, edizione Direzzione di u Turismu, Mubilità turistica è pupulazione prisente - e base di l'econumia prisenziale di i dipartimenti (in francese)

Da vede dinù[mudificà | edità a fonte]