Ebrei di Corsica

À prupositu di Wikipedia
Jump to navigation Jump to search

In Corsica, dapoi l'annu 800, assai immigrazioni ebreie si sò prudutte. Durante seculi sò vinuti da l'Egittu, da Napuli, Paduva, Genuva, Milanu è Turinu.

Prima Immigrazione Mizrahim[mudificà | edità a fonte]

A storia di i Ghjudei in Corsica data da l'annu 800, quandu una grande immigrazione vinuta da l'Egittu s'impiantò in u Pumonti di a Corsica ; una grande parte di issi ebrei mizrahim scrivìa è parlava l'ebreu. A più grande parte di elli si sò stallati cerca di un paese numatu Livìa, lucalizatu in terre cerca di Portivechju. Più tardi, a cummunità si hè dispersa dapertuttu in Corsica. In alcuni paesi di e muntagne, chjese pussedanu sempre tracce di documenti scritti in ebreu cerca di quelli scritti in latinu.

Immigrazione di l'ebrei di l'Italia meridiunale[mudificà | edità a fonte]

Tra l'anni 1500 è 1530, milli ebrei vinuti da Napuli è di L'Italia meridiunale anu fughjitu e persecuzioni è si sò stabiliti in e muntagne di u centru di a Corsica.

Immigrazione di l'ashkenaziti di Paduva è di l'Italia di u Nordu[mudificà | edità a fonte]

Casata Padovani, da l'ebrei di u Ghetto di Paduva

Ashkenaziti di Paduva[mudificà | edità a fonte]

Tra l'annu 1590 è l'annnu 1684, l'ebrei ashkenaziti di Paduva in u Venetu sò ubbligati di vive in un ghetto dapoi 1516. Issu periodu fù pienu di viulenze contru à a cummunità ebrea. Una grande parte decide dopu issi disastrosi avvenimenti di emigrà in Corsica. L'abitanti i chjamavanu i Padovani, Issa casata ghjè assai sparsu oghje in l'isula.

Ashkenaziti di l'Italia di u Nordu[mudificà | edità a fonte]

U finomenu di persecuzione cuntinua in Italia di u Nordu è l'immigrazione ghjudea a più cunnisciuta succede trà l'anni 1750 è 1769. Pasquale Paoli fù venne in Corsica trà 5000 è 10000 Ebrei di u nordu di l'Italia : da Milanu, da Turinu, da Paduva è da Genuva, per fà rivive l'isula dopu i 4 seculi d'occupazione genuvesa. Sò cunsiderati in Corsica cume uguali, Pasquale Paoli dichjara chì "L'Ebrei anu i listelli diritti chì i Corsi perchè cundividenu a listessa sorte". L'ebrei pudìanu cusì praticà liberamente u so cultu, ciò ch'ùn era micca u casu in a più grande parte di i paesi di u mondu.

Israele[mudificà | edità a fonte]

Associu Amicale trà a Corsica è Israele

A Corsica hè u solu locu di tutta l'Auropa induve nessunu attu antisemitu ùn hè mai statu dichjaratu è durante a Siconda Guerra Mundiale, nessunu ghjudeu di Corsica hè statu dinunciatu.

In 1947, a Corsica cuntribuisce à a criazione di u Statu d'Israele è un associu Corsica-Israele si hè messa in piazza per ligà e duie cummunità.

Ligami Esterni[mudificà | edità a fonte]

Articuli Cunnessi[mudificà | edità a fonte]