Vede a sughjente di Diòcesi d'Accia

[[File:Vescuvatu-d'accia.jpg|miniatura|Carta di u diòcesi d'Accia]]
A '''diòcesi d'Accia''' hè un'anticu diòcesi di Corsica oghje smarritu. Addunia solu duie pieve : [[Ampugnani (pieve)|Ampugnani]] è [[Rustinu (pieve)|Rustinu]]

== Storia ==
A '''diòcesi d'Accia''' (in latinu : ''{{lang|la|Dioecesis Acciensis}}'') hè un'antica diòcesi di Corsica. Hè l'una di e sei diòcesi storichi di a Corsica.

Certi storichi pensanu chì u vescuvatu d'Accia hè statu creatu da u papa [[Gregoriu Magnu]], ma nunda permette d'affirmala cun certezza.

À a fine di u seculu XI, un cunflittu oppone [[Gènuva|Ghjenuva]] à [[Pisa]]. Per fà compie l'ostilità, u papa Innucenzu II face di Ghjenuva un archivescuvatu (19 di marzu di u 1133). U papa sparte e diòcesi di Corsica trà Ghjenuva è Pisa : e diòcesi d'Aiacciu, Aleria è Sagone seranu sott'à l'administrazione di Pisa. Quelle di Nebbiu è Mariana sò messi sott'à l'administrazione di Ghjenuva<ref>Dictionnaire historique de la Corse, sott'à a direzzione d'Antoine-Laurent Serpentini, Albiana, 2006.</ref>.

Ma ci vole à creà una diòcesi nova per chì Pisa è Ghjenuva sianu à paru. Hè creatu cusì a diòcesi d'Accia. Si piglia una pieve à Aleria, u [[Rustinu (pieve)|Rustinu]], è una pieve di Mariana, l'[[Ampugnani (pieve)|Ampugnani]].

A residenza di u vescu si truvava à u paese di [[A Casalta d'Ampugnani|A Casalta]], in Ampugnani, à u locu chjamatu Costa di i Fiori<ref>[[Geneviève Moracchini-Mazel]] in ''Les Églises Romanes de Corse'', Klincksieck, CNRS - Paris, 1967.</ref>.

Dopu si truvava nant'à a cumuna di [[Casabianca|A Casabianca]], à u [[Cunventu di Sant'Antone di a Casabianca|cunventu Sant'Antone]].

A diòcesi d'Accia serà suprimata in u 1563, da u Cunciliu di Trento.

Dapoi u 1801, ùn ci hè più ch'è una sola diòcesi per tutta a Corsica : a diòcesi d'Aiacciu.

<br />

== Cumpusizione di a diòcesi d'Accia ==
A diòcesi d'Accia era a più chjuca di e sei diòcesi di Corsica. E duie pieve chì a cumpunianu eranu quelle di 

* [[Rustinu (pieve)|Rustinu]] ;
* [[Ampugnani (pieve)|Ampugnani]].

== A Catedrale d'Accia ==
A catedrale era a chjesa di San Petru d'Accia, chjamata dinù San Petrùculu. Si trova à u pede di u monte San Petrone. Ci si ghjunghje dop'à 20 minuti di marchja di Bocca à u Pratu, nant'à a cumuna di [[U Quercitellu]]. Si ponu sempre vede e ruvine.

Invece, ùn s'hè mai trovu u battisteru.
[[File:San Petru d'Accia.jpg|centro|miniatura|400x400px|San Petrùculu, à u pede di u monte San Petrone]]
Certi storichi avanzanu l'ipotesi d'una catedrale più antica in punta di u monte San Petrone, à 1.767 metri. St'idea hè cuntestata. Si ponu vede ruvine d'una custruzzione in cima di a muntagna, ma pè avà a prova ch'elle sianu quelle di l'antica catedrale ùn hè stata fatta.
<br />

== Da vede dinù ==
* [[Lista di e pieve di Corsica]]
* [[Diocese di Mariana|Diocesi di Mariana]]

== Notes et références ==
<references group=""></references>

[[Categoria:Corsica]]