Cyperus rotundus
| |||||
|---|---|---|---|---|---|
| |||||
| Cyperus rotundus | |||||
| Classifica scentifica | |||||
| Regnu | Plantae | ||||
| Divisioni | Magnoliophyta | ||||
| Classa | Liliopsida | ||||
| Ordini | Cyperales | ||||
| Famiglia | Cyperaceae | ||||
| Genaru | Cyperus | ||||
| Nomu binuminali | |||||
| Cyperus rotundus L. , 1753 | |||||
| |||||
Cyperus rotundus hè una pianta chì faci parti di a famiglia di i Cyperaceae.
Discrizzioni[mudificà | edità a fonte]
Cyperus rotundus hè una pianta rizumatosa vivaci pudendu aghjunghja insin'à 50 centimi d'altezza. I so piccioli sò triangulari è i so fogli liniari è alterni. I fiora di 'ssa spezia sò chjuchi, di regula bruni o russicci, sò cuncolti in cucculi à l'estremità di i piccioli. I frutti di a pianta sò achenii di piccula taglia. Cyperus rotundus hè par u più cunnisciutu par u so sistemu di radichi, chì poni diffonda si di manera aggrissiva, rindendu 'ssa spezia mori risistenti.
Ripartizioni[mudificà | edità a fonte]
Urighjinaria d'Asia è di l'India, Cyperus rotundus si hè spartu in u mondu sanu. Hè oghji largamenti prisenti in i righjoni trupicali è subtrupicali, cumpresu l'Africa, l'America suttana, è u sudu di i Stati Uniti. Prifirisci i terri rinosi è beddi assiccati, è omu u trova à spessu in i giardini, i campi, i spondi di vadini, è i zoni disturbati.
Cyperus rotundus hè prisenti in Corsica.[1]
Biulugia[mudificà | edità a fonte]
Cyperus rotundus si ripraduci par u più in via vegetativa, grazia à i so rizomi suttarranii. 'Ssi rizomi sò i piccioli urizuntali chì si sviloppani sottu à a suparficia di a terra è pruducini nuveddi pianti. 'Ssa capacità di ripruduzioni vegetativa li parmetti di furmà prestu culonii densi, ciò chì ni faci una pianta invadenti in numarosi ecusistemi.
Tassunumia[mudificà | edità a fonte]
A classifica di Cyperus rotundus hà fattu l'ughjettu di numarosi dibattimenti frà i butanisti. I sinonimi pà 'ssa spezia cumprendini Cyperus tuberosus, Pycreus rotundus, Mariscus rotundus, è Cyperus mariscus. Apparteni à a famiglia di i Cyperaceae è à a sottufamiglia di i Cyperoideae. Faci parti di a vasta genaru Cyperus, chì cumprendi più di 600 spezii. A spezia Cyperus rotundus hè ancu suddivisa in parechji sottuspezii, bench'è u so statutu fussi calchì volta contruversu.
Cunsirvazioni[mudificà | edità a fonte]
A prupagazioni aggrissiva di Cyperus rotundus li hà valsutu una riputazioni di gattiva arba nucibuli in numarosi righjoni di u mondu. Di cunsiquenza, i sforzi di cunsirvazioni ùn si cuncentrani di regula micca annantu à 'ssa spezia, ma piuttostu annantu à i mezi di cuntrullà la è di minimizà u so impattu annantu à i culturi è l'ambienti naturali. Parò, Cyperus rotundus hà un valori in quant'è pianta midicinali tradiziunali in parechji culturi, ed hè calchì volta cultivata pà 'ssu usu. In certi casi, sforzi sò fatti pà prisirvà pupulazioni spicifichi di 'ssa spezia par raghjoni di diversità genetica è di risilienza eculogica.
Rifarimenti[mudificà | edità a fonte]
- Jeanmonod D. & Gamisans J. (2013) Flora Corsica (2 ed), Edisud.
Noti[mudificà | edità a fonte]
- ↑ Jeanmonod & Gamisans (2013).
Altri prugetti[mudificà | edità a fonte]
Cyperus rotundus annantu à Wikimedia Commons.
