Cunfessione (Petru Lucciana)

Cunfessione hè una puesia di Petru Lucciana, dettu Vattelapesca (1832-1909).

Cunfessione

Facciu un sunettu, i leghju, ed una voce

Dentru mi grida : Ella hè gattiva assai.

Ne compiu un altru, è u trovu ancu più atroce ;

È finora unu solu ùn ne impastai

Ch'ùn mi mettissi cum'è Cristu in croce.

Mi dicerai, lettore: - Oh, perchè mai

S'è ùn ti gherbanu, i stampi? Chì à sè noce

Scemu si chjama in ogni lingua, u sai.

- Amicu, hè a puesia siccum'è u focu

O una pena in corpu chù ùn pò stà nascosta

Ed esce scuppiettendu di ogni locu...

Fù mia inensione ralegrà ti un pocu ;

S'è t'annuiai però (vechja hè a to risposta)

Credi lu puru, ùn l'aghju fattu apposta.