Crematogaster scutellaris
| |||||
|---|---|---|---|---|---|
.jpg)
| |||||
| Crematogaster scutellaris | |||||
| Classifica scentifica | |||||
| Regnu | Animalia | ||||
| Imbrancamentu | Arthropoda | ||||
| Classa | Insecta | ||||
| Ordini | Hymenoptera | ||||
| Famiglia | Formicidae | ||||
| Genaru | Crematogaster | ||||
| Nomu binuminali | |||||
| Crematogaster scutellaris Guillaume-Antoine Olivier, 1792 | |||||
.jpg)
| |||||
A furmicula capirossa Crematogaster scutellaris hè una spezia di furmicula chì faci parti di a famiglia di i Formicidae.
Discrizzioni
[mudificà | edità a fonte]Crematogaster scutellaris hè una spezia di furmicula appartinendu à a famiglia di i Formicidae. Hè cumunamenti cunnisciuta sottu u nomu di furmicula capirossa. L'uvrieri di 'ssa spezia misurani trà 3 è 5 millimitri di lunghezza. Si distinguini cù u so corpu neru è a so testa rossa rossa. U so addomi hè dinò neru, mentri chì i so zampi sò di culori brunicciu. I masci è i maestri sò più maiori ch'è l'uvrieri è t'ani l'ali.
Ripartizioni
[mudificà | edità a fonte]A furmicula capirossa hè una spezia largamenti sparta in Auropa, in Africa subrana è in Asia uccidentali. Omu a trova ancu in certi righjoni d'America subrana. 'Ssa spezia prifirisci l'ambienti caldi è secchi, tali i pratulini, i furesti aparti è i zoni custieri. Stani à spessu in i parti tarulati di l'arburi ind'eddi trovani rifughju, o ancu in i vechji ceppi chì offrini un aggrottu, o ancu in i carabona d'un muru ind'eddi poni nasconda si.
A furmicula capirossa hè prisenti in Corsica ed hè cumuna.[1]
Biulugia
[mudificà | edità a fonte].JPG)
I culonii di furmicula capirossa sò di regula di taglia impurtanti, cuntendu uni pochi di millaii d'individui. L'uvrieri sò puligini, ciò chì significheghja chì una culonia pò avè parechji maestri. Si cibani par u più di nettaru, di milastru è d'insetti morti. Sò ancu cunnisciuti pà u so cumpurtamentu di trufallassia, ind'eddi scambiani liquiti nutridori trà di eddi.
Tassunumia
[mudificà | edità a fonte]Crematogaster scutellaris hè u nomu scentificu accittatu pà 'ssa spezia di furmicula. Hè stata discritta pà a prima volta da l'entumologu francesu Guillaume-Antoine Olivier in u 1792. 'Ssa spezia hà ancu statu cunnisciuta sottu à i sinonimi siguenti : Formica scutellaris, Crematogaster scutellaris var. scutellaris è Crematogaster scutellaris var. laevinodis.
Ci hè una sottuspezia corsa di 'ssa spezia di furmicula: Crematogaster scutellaris var. corsica[2]. Eccu a so discrizzioni: 'lung., 4,5-6 mm. Testa è antenni rossi. Pronotu è zampi di culori brunu rossu, u restu bughju, cumpresu i cosci. Strisci di a testa beddi indicati. I spini forti. U picciolu più largu davanti ch'è ind'è u tipu. Mori più ribusta chì u tipu è ancu chì a var. ionia.'[3].
Cunsirvazioni
[mudificà | edità a fonte]A furmicula capirossa hè una spezia cumuna è largamenti sparta, ciò chì li cunfarisci un statutu di priaccupazioni minori in termini di cunsirvazioni. Hè capaci à adattà si à diffarenti tipi d'ambienti è ùn hè micca cunsidarata com'è minacciata. Eppuri, a distruzzioni di u so ambienti naturali è l'usu eccessivu di pisticidii poni avè un impattu negativu annantu à i pupulazioni lucali di 'ssa spezia. Hè dunqua impurtanti di piglià misuri di cunsirvazioni pà prisirvà u so ambienti.
Rifarimenti
[mudificà | edità a fonte]- Santschi, F. 1921. Notes sur les fourmis paléarctiques. I. Quelques fourmis du nord de l'Afrique et des Canaries Archiviu 2024-07-13 at the Wayback Machine. Memorias de la Real Sociedad Española de Historia Natural Tomo del Cincuentenario:424-436. (in francesu)
- Rumsaïs B., Colindre L., Wegnez P., Galkowski C. & Colin T., Atlante di e furmicule di Corsica, Edizione di l'Uffiziu di l'Ambiente di a Corsica, 2018
Noti
[mudificà | edità a fonte]Altri prugetti
[mudificà | edità a fonte]
Crematogaster scutellaris annantu à Wikimedia Commons.
