Clematis vitalba
| |||||
|---|---|---|---|---|---|
| |||||
| Clematis vitalba | |||||
| Classifica scentifica | |||||
| Regnu | Plantae | ||||
| Classa | Polypodiopsida | ||||
| Divisioni | Tracheophyta | ||||
| Sottudivisioni | Spermatophytes | ||||
| Ordini | Ranunculales | ||||
| Famiglia | Ranunculaceae | ||||
| Genaru | Clematis | ||||
| Nomu binuminali | |||||
| Clematis vitalba Agostino Todaro, 1866 | |||||
| |||||
Clematis vitalba hè una spezia di pianta chì faci parti di a famiglia di i Ranunculaceae.
Discrizzioni[mudificà | edità a fonte]
A vitalba (Clematis vitalba) hè una pianta arrampicanti di a famiglia di i Ranunculaceae. Hè urighjinaria d'Auropa è d'Asia uccidentali. 'Ssa pianta vivaci pò aghjunghja un'altezza di 10 metri è pussedi piccioli lignosi è volubili. I so fogli sò cumposti è alterni, incù fuglioli uvali è dintati. I fiora di Clematis vitalba sò bianchi, prufumati è ragruppati in infiuriscenzi à forma di curimbi. I frutti sò achenii piumosi, favuriscendu a so dispersioni da u ventu.
A vitalba s'assumiglia à u vittichju ma a vitalba t'hà i fiora bianchi è appena virdicci incù un aspettu particulari incù u prima pelu è i fogli cumposti pinnati, quandu inveci u vittichju t'hà i fiora bianchi prufumati incù un adori d'amandula dolci è i fogli bipinnati.
Ripartizioni[mudificà | edità a fonte]
A vitalba hè prisenti in l'Auropa sana, da u sudu di a Scandinavia insin'à u mari Tarraniu. Omu a trova ancu in Asia uccidentali, Caucasiu à l'Iranu. 'Ssa pianta hè adattata à diffarenti tipi di terri, ma prifirisci i terri ricchi di nutrimenti è beddi assiccati. Cresci par u più in i sebbi, l'arici di furesti, i bordi di stretti è i chjarini.
A vitalba hè prisenti è cumuna in Corsica.[1]
Biulugia[mudificà | edità a fonte]
A vitalba hè una pianta arrampicanti chì si atturcineghja intornu à i punteddi grazia à i so avvitichji. Pò furmà culonii densi è affucà i pianti circunvicini. A fiuritura hà locu da ghjugnu à sittembri, attirendu numarosi insetti inamacatori tali l'abbi è i sbarabattuli. I frutti piumosi sò spargugliati da u ventu, parmittendu cusì à a pianta di diffonda si annantu à grandi distanzi.
Tassunumia[mudificà | edità a fonte]
Clematis vitalba apparteni à u genaru Clematis, chì ragruppa à l'incirca 300 spezii di pianti arrampicanti. Hè ancu cunnisciuta sottu à i sinonimi Clematis flammula è Clematis vitalba var. vitalba.
Cunsirvazioni[mudificà | edità a fonte]
A vitalba hè una spezia cumuna è largamenti sparta. Ùn hè micca cunsidarata com'è minacciata è ùn faci micca l'ughjettu di misuri particulari di cunsirvazioni. Eppuri, in certi righjoni, pò divintà invadenti è nocia à a biudiversità lucali. Hè dunqua ricumandatu di cuntrullà a so prupagazioni in i zoni ind'edda hè intradutta.
Lessiculugia[mudificà | edità a fonte]
A vitalba hè ancu chjamata a viterba, a vutalbula o a butalbula.
Rifarimenti[mudificà | edità a fonte]
- Jeanmonod D. & Gamisans J. (2013) Flora Corsica (2 ed), Edisud.
Noti[mudificà | edità a fonte]
- ↑ Jeanmonod & Gamisans (2013).
Altri prugetti[mudificà | edità a fonte]
Clematis vitalba annantu à Wikimedia Commons.
