Ciuvodda (tipugrafia)

À prupositu di Wikipedia
Andà à: Navigazione, Ricerca
"Ciuvodda"

U carattaru tipugraficu @ hè chjamatu "ciuvodda" (o civolla o ancu ciudda). 'Ssu neulugisimu hà cuminciatu à essa adupratu in Corsica di manera spuntanea in l'usu pupulari. U nomu corsu veni di l'assumiglia di u simbulu tipugraficu incù a forma di una ciuvodda. Si face usu principalementi di a "ciuvodda" in u currieri elittronicu. Hè aduprata par siparà u nomu di u titulari da u nomu di duminiu, in un adrizzu elittronicu. L'@ hè cunnisciuta dinò com'è "chiocciola" o "chiocciolina" in talianu, è com'è "at" in inglesu. Graficamenti, a "ciuvodda" ripprasenta un'a stilizata incù un ricciulu. Hè da quì chì veni l'assumiglia incù a "chiocciola" in talianu, un molluscu cumunu: u sammartinu. U codici binariu chì hè usatu par idantificà a "ciuvodda" hè 01000000.

Storia di @[mudificà | edità a fonte]

L'evuluzioni iputetica è crunulogica di @

U carattaru @ nacqui à i tempi di Roma antica com'è un'unioni stilizata di i lettari "a" è "d" minusculi chì formani a parola ad (veni à dì "versu"); u simbulu era adupratu à l'iniziu in i testi di cuntabilità è in ducumenti simili, par rifariscia si à un'indicazioni di locu. Sicondu i marcanti di Venezia @ era un segnu chì rapprisintava l'anfura, chì era usata tandu com'è misura di pesu è capacità. Ci chì Francesco Lapi era un marcanti fiurintinu chì, u 4 maghju 1536, hà discrittu in una lettara, pà a prima volta, u cuntinutu di trè navi chì erani vultati in iSpagna da l'America latina, usendu u segnu @ com'è unità di misura chì currispundia à un'anfura. In u corsu di i seculi, i populi anglufoni mudifichetini u significatu di l'@ da "ad" à "at". Cusì l'@ fù diffusa di manera più larga è fù aduprata in particulari da a posta.

Storia di u sò usu[mudificà | edità a fonte]

Cunniscita bè è a storia di l'usu di u simbolu @. È usata in spagnolu e portughesu per di dì, à l'accortu, arroba, unità di pesu e misura (25 pounds, 25 libbre, v. i 12 chilò) vene da l'arabu "un quartu" (الربع da pronunzià ar-rubʿ).[1] Par avà, u primu documentu storicu ad avè u segnu @ scrittu saria a "Taula de Ariza", un ceppu cummerciali datatu da 1448.

L'@ era prisenti in a mascina par iscriva Lambert di 1902, chì hè stata prudutta da a Lambert Typewriter Company di New York è in l'IBM Selectric di 1961. In 1963 l'@ hè stata inclusa in l'insemi uriginali di i carattari ASCII. Incù u sviluppu di i tennulugii muderni è l'invinzioni di l'urdinatori, a "ciuvodda" divinteti un simbulu guasi esclusivamenti informaticu]] chì hà cunsirvatu u significatu datu li da l'inglesi.







[1] ^ "arroba". Diccionario de la Real Academia Española. Retrieved 3 August 2012.

Da veda dinò[mudificà | edità a fonte]