Ciandarmaria di Sarra

A Ciandarmaria di Sarra (o A Gendermeria di Serra) hè una canzona tradiziunali di Corsica. Hè una canzona monda cunnisciuta in u sartinesu, ma ùn si sà qual'idda era a donna chì canta, nemmenu qual'iddu era esattamenti Dumenicu Branca. Ma quantunqua si sà ch'è i "Branca" mintuvati staghjiani in Quenza (U Scoddu, marzu 2010).

A canzona

A ciandarmaria di Sarra

Circa à Dumenicu Bianca

Pà rimetta li la foglia

Chì hè sciassori in Villafranca

U peghju sarà di mè

M'hà prumissu eppo mi manca.

S'è tù m'amaii di cori

Com'è tù mi figuraii

Oh lu bateddu di Nizza

O Dumè nun lu piddaii

Senza la to Margarita

U mari nun lu varcaii.

S'è tù ùn la vo fà par mè

Fà la pa u to ziteddu

S'è tù l'avissi da veda

Pari fattu à lu pinneddu.

S'è lu mari fussi inchjostru

È la rena carta bianca

Pà scriva lu nosciu amori

Ùn ci ni saria abbastanza.

Rifarenzi

• [https://web.archive.org/web/20070928072123/http://www.matinalatina.com/lingua/lingua_pdf.php?num=12 Archiviu 2007-09-28 at the Wayback Machine Numaru 12 A Spannata]
• U Scoddu numaru 51, marzu 2010