Cateddu muntaninu

Salamandra corsica
Salamandra corsica
Classifica scentifica
Regnu	Animalia
Imbrancamentu	Chordata
Classa	Amphibia
Ordine	Caudata
Famiglia	Salamandridae
Generu	Salamandra
Nome binuminale
Salamandra corsica Paolo Savi, 1838

U catellu muntaninu (o catellu lurcu) (Salamandra corsica) hè una spezia d'anfibiu chì face parte di a famiglia di e Salamandridae. U catellu muntaninu hè un generu di batracu endemicu di a Corsica chì, quand'ellu hè adultu, campa in terreni umidi. Si cunnosce faciule à u so pellame neru incù tacche gialle.

Descrizzione

U catellu muntaninu hè una spezia di batracu appartinendu à a famiglia di e Salamandridae, endemica di l'isula di Corsica. L'adulti misuranu trà 120 è 300 mm, i masci essendu di regula più chjuchi ch'è e femine. U catellu muntaninu hè di culore neru lampante incù tacche gialle annantu à u ventre. A testa hè più larga ch'è longa è di forma attundulata. 'Ssa spezia pussede ghjandule paratoide di culore giallu vivu è duie linie di ghjandule à vilenu chì correnu parallelamente annantu à i so lati ventrali.

Biolugia

U catellu muntaninu hè una spezia terrania chì si ciba par u più d'insetti, di ragni, di mulluschi terranii è di mignoculi. Campa in ambienti dinsamenti vigitalizati è tupugraficamenti cumplessi, ciò chì riduci i fluttuazioni di tampiratura.

Tassunomia

U catellu muntaninu hè statu discrittu per a prima volta da Savi in u 1838. Hè stata cunsiderata cum'è una sottuspezia di Salamandra maculosa da Bonaparte in u 1840, po cum'è una varietà di 'ssa spezia da Bedriaga in u 1883. Hà ancu statu chjamata Salamandra moncheriana da Schreiber in u 1912, ma si trattava d'un errore di dinuminazione. Fatta fine, hè stata ricunnusciuta cum'è una spezia distinta, Salamandra corsica, da Nikolskii in u 1918.

In a litteratura scentifica, sinonimi di Salamandra corsica sò:

• Salamandra moncherina (Bonaparte, 1839)
• Salamandra maculosa var. corsica Bedriaga, 1883
• Salamandra moncheriana Schreiber, 1912
• Salamandra salamandra corsica Nikolsky, 1918

Citazioni

U catellu muntaninu hè mintulatu spessu in a cultura corsa. Par asempiu:

• in u pruverbiu: S'ellu esce u catellu muntaninu, acqua vicinu.

o in a ghjastema: Chì tù fussi natu cateddu muntaninu !

Ligami

• Le temps qu'il fait - U tempu ch'ellu face, 1985 Adecec
• Amphibiaweb, salamandra corsica (in inglesu) Archiviu 2005-11-04 at the Wayback Machine
• Salamandra corsica - Corsican Fire Salamander (in inglesu) Archiviu 2007-03-11 at the Wayback Machine
• Terra corsa, u cateddu muntaninu (in inglesu)

Da vede dinù

• a tarentella