Boops boops

A buga
Boops boops
Classifica scentifica
Regnu	Animalia
Imbrancamentu	Chordata
Classa	Actinopteri
Imbrancamentu	Acanthopterygii
Classa	Percomorphaceae
Ordine	Spariformes
Famiglia	Sparidae
Generu	Boops
Nome binuminale
Boops boops Carl Linnaeus, 1758

A buga (Boops boops) hè una spezia di pesciu chì face parte di a famiglia di i Sparidae.

Descrizzione

A buga prisenta un corpu lungarinu è cumpressu latiralmente, incù una culurazione argentata è rispechji azurati annantu à u spinu.

Ripartizione

A buga hè prisente in l'acque timperate è trupicale di u mare Atlanticu orientale, di u mare Terraniu insin'à u golfu di Guinea. Omu a trova dinù in mare Neru è in mare Rossu.

A buga hè prisente è assai cumuna in l'acque marine di Corsica.

Biolugia

A buga hè per u più erbivora, cibendu si d'alghe, di picculi crustacei è di molluschi. Campa in gruppi vicinu à e coste, à prufundità andendu sinu à 100 metri. A buga hè un pesciu oviparu, e femine diponenu i so ovi sopra à substrati rucciosi.

Tassonumia

A buga appartene à l'ordine di i Perciformi è à a famiglia di i Sparidae. 'Ssa spezia hè stata discritta per a prima volta da u naturalistu svedese Carl Linnaeus in u 1758.

Cunsirvazione

A buga hè una spezia assai cumuna è ùn hè micca cunsiderata cum'è minacciata. Eppuru, a pesca eccessiva è a distruzzione di u so ambiente custieru ponu custituisce minacce per a so pupulazione. E misure di cunsirvazione, tale i quote di pesca è a prutezzione di e zone custiere, ponu esse messe in ballu in certi lochi per assicurà a perennità di 'ssa spezia.

Riferimenti

• Rughjeru Miniconi, Parlata aghjaccina cittatina è paisana, Ed. A Barcella, 2017.

Altri prugetti

• Boops boops annantu à Wikimedia Commons.