Arba di l'Ascinzioni rossa

À prupositu di Wikipedia
Sedum cepaea
Sedum cepaea
Classifica scentifica
Regnu Plantae
Divisioni Tracheophyta
Sottudivisioni Spermatophytes
Ordini Saxifragales
Famiglia Crassulaceae
Genaru Sedum
Nomu binuminali
Sedum cepaea
Carl Linnaeus, 1753

L' arba di l'Ascinzioni rossa (Sedum cepaea) hè una spezia di pianta chì faci parti di a famiglia di i Crassulaceae.

Discrizzioni[mudificà | edità a fonte]

L'arba di l'Ascinzioni rossa hè una pianta succulenti appartinendu à a famiglia di i Crassulaceae. Si caratterizeghja da i so piccioli carnati è i so casci spessi è carnuti, disposti in rusetti. I casci sò di culori verdi chjaru à verdi scuru, calchì volta incù sfumaturi di rossu o di purpureu. I fiora di Sedum cepaea sò chjuchi è ragruppati in infiuriscenzi à forma di curimbi. Sò di regula di culori giaddu vivu, ma poni ancu essa bianchi o rusulini.

Ripartizioni[mudificà | edità a fonte]

L'arba di l'Ascinzioni rossa hè urighjinaria d'Auropa, ind'edda hè largamenti sparta. Omu a trova par u più in i righjoni mediterranii, ma pò ancu essa ussirvata in altri righjoni d'Auropa, in particulari in Francia, in iSpagna, in Italia è in Grecia. 'Ssa pianta cresci di regula annantu à i terri pitricosi è beddi assiccati, tali i scuglieri, i penditi è i mura.

Sedum cepaea hè prisenti in Corsica.[1] L'arba di l'Ascinzioni rossa hè una di i dui spezii di pianti chì sò cunnisciuti in Corsica com'è l'arba di l'Ascinzioni (a siconda spezia essendu l'arba di l'Ascinzioni verdi (sedum stellatum). L'arba di l'Ascinzioni rossa hè cumuna in Corsica. Hè di tradizioni d'andà à coglia la u ghjornu di l'Ascinzioni, a matina. Si coglii prima ch'eddu si pisessi u soli. Dopu si metti in casa, appiccata. A pianta campa senza nè terraacqua, si ridrizza è fiurisci in San Ghjuvanni. Sicondu a tradizioni, s'è l'arba di l'Ascinzioni si ridrizza è fiurisci in una casa, l'annata sarà bona.

Biulugia[mudificà | edità a fonte]

L'arba di l'Ascinzioni rossa hè una pianta vivaci chì si ripraduci par u più in via vegetativa, grazia à i so piccioli chì poni arradicà si è furmà novi pianti. Pò ancu ripraducia si par via di graneddi, chì sò spargugliati da u ventu. 'Ssa spezia hè adattata à i cundizioni aridi è pò sopravviva in ambienti induva l'acqua hè schersa. I so fogli carnuti li parmettini d'accumulà l'acqua è di risista à a sicchina.

Tassunumia[mudificà | edità a fonte]

Parechi sinonimi di sedum cepaea sò:

  • Anacampseros cepaea (L.) Willdenow
  • Cepaea caesalpini Fourreau
  • Phedimus uniflorus Rafinesque
  • Sedum amani Post
  • Sedum cepaea gallioides (Pourr. exi All.) Rouy & E.G.Camus
  • Sedum cepaea gracilescens Maire & Weiller
  • Sedum gallioides Pourr. ex All.
  • Sedum paniculatum Lam. nom. illeg.
  • Sedum spathulatum Waldststein-Wartemberg & Kitaibel
  • Sedum tetraphyllum J.Sibthorp & Sm.
  • Sedum verticillatum Dulac

Cunsirvazioni[mudificà | edità a fonte]

Sedum cepaea hè una pianta rilativamenti cumuna è ùn hè micca cunsidarata com'è essendu in priculu d'estinzioni. Eppuri, certi pupulazioni poni essa minacciati par via di a distruzzioni di u so ambienti naturali, in particulari par causa di l'urbanisazioni criscenti. Hè dunqua impurtanti di prisirvà i zoni induva 'ssa pianta cresci naturalamenti è di prumova a so cunsirvazioni. Misuri di prutizzioni, tali a criazioni di riservi naturali, poni cuntribuiscia à assicurà a sopravvivenza di Sedum cepaea è di a so diversità genetica.

Rifarimenti[mudificà | edità a fonte]

  • Jeanmonod D. & Gamisans J. (2013) Flora Corsica (2 ed), Edisud.
  • U Scoddu - Misincu di Cultura è d'Infurmazioni, Aprili 2008

Noti[mudificà | edità a fonte]

  1. Jeanmonod & Gamisans (2013).

Da veda dinò[mudificà | edità a fonte]

Altri prugetti[mudificà | edità a fonte]