Anzianu ponte di U Vechju

À prupositu di Wikipedia
Jump to navigation Jump to search
L'anzianu ponte di U Vechju

L' Anzianu ponte di U Vechju hè un ponte di Corsica. Hè situatu trà Vivariu è Venacu, sopra à u fiume di U Vechju. A so cuncezzione hè stata fatta da Gustave Eiffel. U ponte hè statu custruitu à a fine di u seculu XIX, da u 1891 à u 1893. U custruttore fù Guglielmu Tollinchi, è l'ingeniere era Maurice Koechlin. U ponte hè longu 170,96 metri è altu 84 metri sopra l'acqua di u fiume. A struttura mettalica di a parte suprana di u ponte era distinata à permette u passaghju di u camminu di ferru di Corsica, U Trinichellu. A parte suttanu invece, fatta in petra scalpillinata, incù a so arcata, era per cuntinuà u stadone è permette u passaghju di e vitture. L'anzianu ponte di U Vechju hè statu scrittu cum'è munimentu storicu u 29 lugliu di u 1976. Po fù classatu cum'è munimentu storicu in u 1992. À i ghjorni d'oghje, l'anzianu ponte di U Vechju hè statu abandunatu è rimpiazzatu da u ponte novu di U Vechju.

In a cultura corsa[mudificà | edità a fonte]

Ponte di U Vechju.jpg

Ci conta Roccu Multedo (1994, p. 101) chì l'anzianu ponte di U Vechju era unu di i lochi ind'ellu ci eranu e battaglie di i mazzeri, a siconda notte di nuvembre. Siont'è Multedo, ci eranu quà i cumbatti frà i mazzeri diVenacu è quelli di Vivariu.

Referenze[mudificà | edità a fonte]

  • Multedo, Roccu (1994), U mazzerisimu - Le mazzérisme, L'originel, Parighji