Alfa Romeo

Marcu Alfa Romeo annantu à un mudellu MiTo

L’Alfa Romeo hè una impresa automubilistica taliana cunnisciuta per a produzzione di vitture à caratteru spurtivu.

Fundata u 24 ghjugnu di u 1910 à Milanu cum'è ALFA (acronimu di "Anonima Lumbarda Fabbrica Automobili") in u 1918 cambiò nome in "Alfa Romeo" dopu à l’accattu di u cuntrollu di a sucità da parte di Nicola Romeo. L’Alfa Romeo appartense à u Statu talianu da u 1933 à u 1986, quandu fù vinduta à u gruppu Fiat

Mentre a so storia a casa detta "di u Biscione" per u marcu hà rializatu molte vitture da strada è concept car chì anu marcatu in parte a storia di u design di l’industria automubilistica taliana. Da un puntu di vista tecnulogicu, l’Alfa Romeo hè cunsiderata trà e case a l’avanguardia di u panorama automubilisticu mundiale grazia à l’innuvazione chì anu cuminciatu annantu à e so vitture.

In più di e vitture l’Alfa Romeo hà ancu produttu veiculi cummerciali, materiale ferruviariu, mezi publichi, mutori marini è aerunautichi. À l’iniziu di u sittanta, à u culmine di a capacità manifatturera, a forza di travagliu sfiurava i 29.000 impiegati distribuiti in i trè stabilimenti produttivi di l’epica (Purtellu, Arese, Pumiglianu d’Arcu).

A casa di u Biscione hà participatu incù successu à differente categurie di cumpetizione automubilistiche. In u 1925 hà vintu u primu campiunatu di u mondu di automobilismu organizatu in a storia mentre in u 1950 è in u 1951 hà cunquistatu e prime duie edizione di u Campiunatu mundiale di Formula 1. In u 1975 è in u 1977 hà vintu u campiunatu mundiale sportprotutipi. Incù e vitture Alfa Romeo a Scuderia Ferrari hà principiatu in e cumpetizione.

Da vede dinò

• Citroën
• Karl Benz
• Nicola Romeo
• Peugeot
• Renault
• Vittura
• Volkswagen