Alcudina (anatumia)

À prupositu di Wikipedia

L'alcudina (da u lat. incus, incudis) hè un picculu ossu (longu circa 0,7 cm), simetricu è rigularamenti spaziatu, cuntinutu in arechji media. Faci parti di a catena di l'ussiceddi auditivi, situendu si trà u marteddu è a staffa è trasmittendu à quist'ultimi i vibrazioni prudutti da l'ondi sunori. Hè stata discritta pà a prima volta da Alessandro Achillini. Pussedi un corpu è dui radichi (ancu chjamati rami o più à spessu apofisi o prucidimenti).

Aspettu[mudificà | edità a fonte]

Alcudina dritta, facci pustiriori è antiriori ; 1 corpu - 2 faccetta articulari - 3 ramu urizuntali - 4 ramu virticali - 5 apofisa linticulari

Corpu[mudificà | edità a fonte]

U corpu di l'alcudina hà una forma cubica, appena sciacciata trasvirsalamenti. A so faccia antiriori prisenti una fonda articulazioni faccittari cuncava chì forma l'articulazioni in sedda incù u marteddu (articulazioni incudumalleulari). I dui rami sò staccati da u corpu, guasgi ortugunalamenti unu rispettu à l'altru. U ligamentu supiriori di l'alcudina si stacca da u corpu è porta à a loghja epitimpanica.

Ramu cortu[mudificà | edità a fonte]

U prucidimentu subranu, più cortu, hà una forma conica è si prugetta in daretu guasgi urizuntalamenti versu l'intrata di l'antru mastoidu (aditus ad antrum). Si leia à a fossetta di l'alcudina, in a parti da daretu è da sottu di u ciottu epitimpanicu, par mezu di u ligamentu pustiriori di l'alcudina.

Ramu longu[mudificà | edità a fonte]

U prucidimentu suttanu, u più longu, si stendi guasgi verticalamenti à capu in ghjò, parallelamenti à u daretu di u manicu di u marteddu, po, curvendu si medialamenti, si tarmineghja da un'estremità attundata, chjamata prucessu linticulari, cuparta à cartilaghjini. Da 'ssa suparficia, s'articuleghja incù a testa di a staffa par furmà l'articulazioni incudustapediana.

Ussificazioni[mudificà | edità a fonte]

Embriulugicamenti, l'alcudina hè dirivata da u prima arcu faringeu, com'è u restu di l'ossa implicati in a masticazioni (tali l'ossu massiddari è a mandibula). U cartilaghjini di Meckel chì ni deriveghja, in daretu, forma l'abbozzu chì, in cori di u quartu mesi di gistazioni sarà rimpiazzata da u tissutu ussacutu par ussificazioni encundrali.

Evuluzioni[mudificà | edità a fonte]

L'alcudina si trova esclusivamenti ind'è i mammiferi ed hè dirivata da un ossu di a canteghja supiriori prisenti ind'è i rettili, cunnisciutu sottu u nomu di ossu quatratu senza surghjenti.