Muschettu
| |||||
|---|---|---|---|---|---|
.jpg)
| |||||
| Regulus regulus | |||||
| Classificazione scentifica | |||||
| Regnu | Animalia | ||||
| Divisione | Chordata | ||||
| Classa | Aves | ||||
| Ordine | Passeriformes | ||||
| Famiglia | Regulidae | ||||
| Generu | Regulus | ||||
| Nome binuminale | |||||
| Regulus regulus Linnaeus, 1753 | |||||
| |||||
U muschettu (Regulus regulus) hè un acellu di a famiglia di i Regulidi.
Descrizzione[mudificà | edità a fonte]
U muschettu hè u più chjucu acellu europeu (menu di 10 cm di lunghezza), cupertu di piume di culore grisgiu o olivastru, attravirsatu da strisce bianche annantu à l'ale. Annantu à u capu hà una striscia gialla (o ancu arancione ind'è u masciu) trà duie strisce nere. Dispone d'un bizzicu cortu è pinzutu.[1]
Biolugia[mudificà | edità a fonte]
Insettivoru, incù un cumpurtamentu gregariu, d'inguernu u muschettu pò furmà gruppi incù diverse spezie di Paridae. Ùn teme micca particularmente l'omu, è si lascia avvicinà ancu à distanze corte.
U muschettu hè un acellu migratore chì si culloca versu e righjone più calde durante l'inguernu. Si ciba par u più di mastaruculi, di picculi ragni è di larvi. U so rigimu alimintare hè cumplittatu da baghi è i granelli durante i mesi i più freti. Custruisce u so nidu in i cuniferi, usendu matiriale tali murzi, piume è ragnate. A femina dipone di regula trà 5 è 10 ovi, ch'ella incuba durante circa duie simane.
Distribuzione è ambiente[mudificà | edità a fonte]
U muschettu campa per u più in e fureste di pini di l'Europa sittentriunale è di l'Asia. Hè un acellu parzialmente migratore: mentre parechje pupulazione sò sedentarie, altre nidificheghjanu in e zone più sittentriunale di l'ariale è inguernanu in quelle più meridiunale. Si pò dunque truvà in l'Europa cintrale, in l'Azzorre, in e Canarie è in l'isule maiò di u Mare terraniu.
In Corsica[mudificà | edità a fonte]
U muschettu hè prisente cumunu in Corsica, sopratuttu in e fureste. [2]
Tassunumia[mudificà | edità a fonte]
U muschettu appartene à a famiglia di i Regulidae. Hè calchì volta cunsidaratu cum'è una sottuspezia di Regulus ignicapilla. Eppuru, i studii genetichi ricenti ani mustratu differenze significative trà e duie spezie, ghjustifichendu a so classifica distinta.
Lessiculugia[mudificà | edità a fonte]
U muschettu hè ancu chjamatu u rè di machja, u tupaghjolu, a cannechja o u frìsgiulu (per via di u frisgiu ch'ellu hà in capu).[3]
Note[mudificà | edità a fonte]
Bibliugrafia[mudificà | edità a fonte]
- Lars Svensson, Guida di l'acelli d'Europa, Nordu Africa è vicinu oriente, 2009, Ricca Editore
- J.-C. Thibault & G. Bonaccorsi, The birds of Corsica, British Ornithologists’ Union, Check-list n°17, 1999
- J.-C. Thibault, Connaître les oiseaux de Corse - Acelli di Corsica, Ed. Albiana, 2006
Ligami[mudificà | edità a fonte]
Altri prugetti[mudificà | edità a fonte]
Regulus regulus annantu à Wikimedia Commons.
