I Chjami Aghjalesi

I Chjami Aghjalesi hè un gruppu di cantu di Corsica. U gruppu hè statu creatu in u 1977 da parechji liceani.

I Chjami Aghjalesi, gruppu di musica corsa,hè statu creatu in u 1977 da liceani è studienti chì stavanu tutti à l'epica in lu quartieru San Ghjiseppu in Bastia. U nome di u gruppu l'hà datu u sgiò Antoine Amadei u prufessore di storia è giugrafia in San Ghjisè cullegiu di i sgaiuffi Bastiacci. A funetica di u nome di u gruppu hè |tjami adjalɛzi|, face rifarenza à u travagliu di tribbiere, d'operate è di u granu in l'aghje, à u pricipiu c'era Alain Nicoli (oghje smaritu), Mai Pesce, Saveriu Luciani, Camellu Albertini, Patriziu Croce, Petru Fondacci, Tonì Pesce è Francescu Pesce. Esce di maghju 1979 u so primu dischettu "Nant'à u solcu di a Storia" (Dans le sillon de l'Histoire), testimuneghja d'una vuluntà forte da sti giovani cantadori di perpetuà a memoria di e tradizione isulane è participà cusì à u riacquistu culturale principiatu in l'annate settanta in Corsica da intellettuali è militanti culturali. À partesi da l'annate 1980 u gruppu s'impone cume u porta bandiera di e rivendicazione identiarie corse.Porta d'altronde u messagiu di a Corsica al di là di l'isule, in l'Europa sana. In 1986 face digià a sperienza di creazione di a so casa d'edizione è di pruduzzione " Casa aperta" cù l'arregistramentu di u dischettu " U mio cantu " realizatu in Sardegna, natu di a vuluntà di sparghje u scambiu culturale in lu Mareterraniu.

Discugrafia

Nant'à u solcu di a storia (1978)
Esse (1981)
L'altu pratu di a Memoria (1983)
U mio cantu (1986)
Guerrieri di l'Eternu (1989)
Cuntrasti è ricuccate (1990)
Cantu sacru (1991)
Populu vivu (1993)
Credu (1998)
I vinti cinque baroni (2001)
Canti per u presepiu (2002)
Teatru di Bastia DVD (2007)
Sventulerà (2010)
40 Anni - Live In Bastia in 2017 (2020)
A Chjama (2022)

Referenze

U situ ufficiale di I Chjami Aghjalesi Archiviu 2006-09-28 at the Wayback Machine

Ligami

[https://www.sunemu.net/i-chjami-aghjalesi Parole è accordi di e canzone di i Chjami Aghjalesi]

I gruppi di cantu di Corsica

Alte Voce - Altru Latu - A Murella - Anghjula Potentini - Arcusgi - Barbara Furtuna - I Campagnoli - Canta u Populu Corsu - Cantu Indà - Caramusa - Cetera Incantu - Chjami Aghjalesi - Cumpagnia - Diana di l'Alba - Eredi - Esse - A Filetta - Ghjuvan Paulu Poletti è u Coru d'Omini di Sartè - Giramondu - I Fratelli Vincenti - Mantini - Messageri - Missaghju - Muvrini - Notte di Corsica - Oriente - Orizonte - Petri d’Avvena - Ricuccata - Stà à sente - Stantara - Surghjenti - Tavagna - Tempus Fugit - U Fiatu Muntese - Vagabondi - Voce di Corsica - Voce Isulane - Voce Latine - Voci di a Gravona - Zamballarana -