Vue du Vieux-Port et de la citadelle de Bastia
Vue du Vieux-Port et de la citadelle de Bastia hè una pittura di José Fabri-Canti, di u so veru nome Joseph Fabrikant (1916-1995). Natu in Nizza, i so parenti eranu russii esiliati in Francia. L'opera hè sposta à u Museu di Bastia. A pittura hè stata fatta in u 1936.
José Fabri-Canti passa so ghjuventù in Bastia Hè in Corsica ch'ellu principia a so carriera di pittore. Face parechje pitture di paisaghji corsi. Più tardi, parte in Parigi induve face a scola di i Beaux arts è dopu in Roma. Volta in Corsica induv'ellu passa a maiò parte di a so vita. Parte un tempu in America, induv'ellu diventa famosu, sempre per i so paisaghji.
Vue du Vieux-Port et de la citadelle de Bastia rapresenta a Citatella di Bastia, vista da u Vechju Portu. U puntu di vista hè situatu in u quartieru di Terravechja, da u molu ghjenuvese. U sugettu principale hè a Citatella, Terranova, cù i dui moli, u molu ghjenuvese è u molu à a Madunnetta.
Fatta in l'anni 1930, a pittura ci dà una fiura di ciò ch'ella era a cità in st'annate custì. Per esempiu, ùn si vede nè a Scola di Marina, nè l'albergu Les Gouverneurs chì sò stati custruiti più tardi.
Infurmazione
[mudificà | edità a fonte]Numeru d'inventariu : MEC 2014.14.9