Vue du Vieux-Port de Bastia di Léon Charles Canniccioni
Vue du Vieux-Port de Bastia hè una pittura di l'artistu corsu Léon Charles Canniccioni (1879-1957). Si trova à u Museu di Bastia. Hè stata fatta in u 1938.
Originariu di u paese di Multifau, in Corsica Suprana, hè natu in Aiacciu. I so parenti si stallanu in Parigi in u 1880 è face studii d'arte. Oghje e so pitture si ritrovanu in parechji musei di u mondu. Hè unu di i pittori corsi i più famosi. Ben ch'ellu avessi campatu in Parigi, hè spessu vultatu in Corsica è hà fattu parechje pitture di paisaghji corsi ma ancu di scene di a vita cutitiana, è dinù di ritratti di persone.
Hè cusì chì Léon Charles Canniccioni hà rapresentatu parechje volte u Vechju Portu di Bastia. L'anticu nome di u Vechju Portu era Portu Cardu. Era un picculu portu di piscadori, bellu nanzu à a creazione di a cità di Bastia.
Si vede bè st'attività di i piscadori in sta pittura. Ogni piscadore avia a so spezialità è a so zona di pesca. St'attività necessitava chì i piscadori avessinu e so rete. Spessu, eranu elli chì i creavanu. Ci vulia spessu à racumudalli, à riparalli.
In e famiglie bastiacce di piscadori, solu l'omi andavanu in mare. E donne eranu incaricate di a vendita di i pesci, à u mercatu o in i carrughji.
Tandu, u Vechju Portu era sanu sanu cunsacratu à l'attività di a pesca.
Infurmazione
[mudificà | edità a fonte]Numeru d'inventariu : MEC.2009.1.1