Vue de Bastia depuis Toga

Vue de Bastia depuis Toga, 1844

Vue de Bastia depuis Toga hè una pittura di l'artistu Louis Auguste Lapito (1803-1874), fatta in u 1844. Si pò vede à u Museu di Bastia.

A spezialità di u pittore francese Louis Auguste Lapito era di fà pitture di paisaghji. Per quessa girandulava a Francia è l'Auropa per fà e so opere. Hè venutu in Corsica per fà parechje pitture di paisaghji in Corti, Aiacciu o Sartè. Certe di ste pitture sò sparite ma u Museu di Bastia cunserva una bella pittura di Lapito.

U paisaghju hè classicu, rapresenta a cità di Bastia dapoi Toga, trà mare è muntagna. U primu pianu hè scuru. À u secondu pianu si vede a cità di Bastia, in a luce. Hè più chjara, cusì hè messa in evidenza.

Hà un valore ducumentariu : ci mostra cum'ella era a cità di Bastia è u so circondu intornu in a prima medità di u seculu 19.

I detagli di a Citatella di Bastia è di a Piazza Santu Niculà sò interessanti. Certi bastimenti ùn esistenu ancu. A Piazza Santu Niculà ùn hè ancu assestata.

Vue de Bastia depuis Toga (detagliu)

Infurmazione

Numeru d'inventariu : MEC.91.3.1

Dimensione : 40.7 x 63 cm