Ruzunu

À prupositu di Wikipedia
(Reindirizzamentu da Velella velella)
U ruzunu
Velella velella
Classificazioni scentifica
Regnu Animalia
Divisioni Cnidaria
Classa Hydrozoa
Ordini Anthoathecatae
Famiglia Porpitidae
Genaru Velella
Nomu binuminali
Velella velella
Linnaeus, 1753

U Ruzunu (Velella velella) hè una culonia di cnidarii chì faci parta di a famiglia di i purpitidei. A forma hè quidda di un dischettu uvali. U so culori hè turchinu. U diamitru hè 4-7 cm. U rùzunu hà una cresta verticali chì s'assumiglia à una vela. 'Ssa particularità hè à l'urighjinia di u nomu scentificu: "velella". Sottu à a vela verticali, cumposta di a forma medusoida, sò prisenti parechji zoidi chì t'ani varii funzioni: gastruzoidi (incù funzioni nutritivii), dattiluzoidi (incù funzioni difensivi) è gonuzoidi (incù funzioni ripruduttivi). Accadi à spessu chì u ruzunu fussi purtatu da u ventu, par via di a so parti suprana fatta à vela, è ch'eddu venghi à lampà si annantu à i costi è i piaghji. U ruzunu pò tramutà si cusì annantu à parechji cintunari di kilomitri.

In Corsica[mudificà | edità a fonte]

U ruzunu si vedi à spessu annantu à u litturali di Corsica. Hè abbundenti à u principiu di l'istatina. In certi loca, a tupunumia lucali ci ramenta a prisenza di u ruzunu. Par asempiu, u tuponimu u Ruzonu (Matina Latina 2003) si rifarisci à a prisenza di u ruzunu è carattarizeghja un locu induva u ruzunu và à lampà si.

Accadi à spessu ch'eddi ci fussini culonii impurtanti di ruzunu in Corsica. Par asempiu, hè successu di maghju 2009, chì una culonia di parechji millioni d'individui fussi ussirvata in u Mar' Tirrenu, accantu à Bastia. A culonia era longa parechji kilomitri è larga parechji cintunari di metri, frà u portu di Toga è quiddu di Macinaghju.

Rifarenzi[mudificà | edità a fonte]

Liami[mudificà | edità a fonte]