U Puntettu

À prupositu di Wikipedia
Vista generale di U Puntettu

U Puntettu, in talianu Pontetto, hè u nome di un quartieru storicu di Bastia, situatu trà u Vechju Portu è a Citatella .

Situazione[mudificà | edità a fonte]

U Puntettu si trova nant'à a parte sud di u Vechju Portu di Bastia. Hè delimitatu à u nordu da A Marina, à l'este da a cala Albert Gilio, à u sud da a scalinata Romieu, à l'ueste da u carrughju di U Colle.

A Citatella è U Puntettu

Storia[mudificà | edità a fonte]

Hè difficiule di sapè da quandu datanu e prime case di Puntettu. A so storia hè ligata à u sviluppu di Terra Vechja, u quartieru di u Vechju Portu, dopu à a fundazione genuvese di Terra Nova, a Citatella, à u XIVu seculu [1] .

Case di U Puntettu

Orìgine di u nome[mudificà | edità a fonte]

U nome di U Puntettu vene d'un ponte chì ùn esiste più, è chì francava in i tempi u fiume di U Guadellu, chì si ghjetta in u Vechju Portu. Stu fiume hè statu canalizatu, ùn si vede più.

Punti di interessu[mudificà | edità a fonte]

case storiche[mudificà | edità a fonte]

Ci sò belle case in u quartieru di U Puntettu. In particulare u Palazzu Rinesi-Romieu, a Casa Bonavita è a Casa Montesoro.

U Palazzu Rinesi-Romieu[mudificà | edità a fonte]

Hè a famiglia Rinesi, ricca famiglia di cummercianti bastiacci chì anu fattu custruisce a so casa nant'à u latu sud di u Vechju Portu di Bastia. Una figliola Rinesi si maritò cun un certu Romieu, maestru cultellaghju originariu di Langres.

U Palazzu Rinesi-Romieu

A Casa Montesoro[mudificà | edità a fonte]

I Montesoro eranu una ricca famiglia bastiaccia. A casa Montesoro hè situata Piazza di l'oliu.

A Casa Montesoro

A Casa Bonavita[mudificà | edità a fonte]

Si trova à l'angulu trà u carrughju di u Bastione è a Ricciata San Carlu Vechju.

Casa Bonavita

A scalinata Rinesi-Romieu[mudificà | edità a fonte]

L'inseme custituitu da a rampa, a scalinata è u giardinu di Romieu sò catalogati cum'è munumenti storichi da u 2017 . Custruitu à u XIXmu seculu, a scala hè opera di u famosu architettu bastianu Paul-Augustin Viale .

U Puntettu in a literatura[mudificà | edità a fonte]

U scrittore corsu Sebastianu Dalzeto (1875-1963) hà resu famosu u quartieru di U Puntettu, in u so rumanzu Pesciu Anguilla, d'induve esce l'eroe. Hè u primu rumanzu in lingua corsa.

Nomi di lochi[mudificà | edità a fonte]

Eccu unepochi di nomi di lochi è di carrughji di U Puntettu :

  • Rue Giulietta
  • Rue du Pontetto
  • Rue du Bastion
  • Rue des Mulets
  • Quai Albert Gilio
  • Rue du Colle
  • Piazza di l'Oliu
  • Ricciata San Carlu Vechju, o Descente de la Gabella
  • U Mughjò

Dibattitu[mudificà | edità a fonte]

In u 2013, u Puntettu si ritrova à u core di a campagna municipale di Bastia. Un prughjettu chì prevede a distruzzione d'une pochi di casali, cumpresa a Casa Montesoro[2], hè stata cuntestata da certi candidati .

Da vede dinù[mudificà | edità a fonte]

Note[mudificà | edità a fonte]

  1. Jean-Baptiste Raffalli; Fernande Maestracci; Max Boulmer, Bastia : musées, monuments, promenades, Monum - Ed. du patrimoineª ed., 2003. ISBN 978-2-85822-697-9, OCLC 717275677.
  2. https://www.ulevante.fr/u-puntettu-au-conseil-des-sites-de-corse-un-vote-antidemocratique/