Stemma di u Reame Anglocorsu

U stemma

U Stemma di u Reame Anglocorsu hè un'opera chì si trova à u Museu di Bastia. Hè una pittura fatta nant'à u legnu. Ùn si cunnosce micca l'autore. Hè stata fatta trà u 1794 è u 1796.

In u 1794, Pasquale Paoli dumanda à l'Inglesi d'intervene in Corsica, è caccianu i Francesi. Tandu nasce u reame anglocorsu. U guvernu si stalla in Bastia. Stu reame piglia fine in u 1796, è voltanu i Francesi.

Stu stemma hè un simbulu di stu reame. Era situatu à l'entrata di u Scagnu di a marina, situatu nant'à u Vechju Portu (ma ùn si micca induve di manera precisa). Hè bislingu, hè scrittu nantu : "The marine office - scagno della marina" in inglese è talianu.

Hè scritta ancu u mottu "Amici non di ventura", chì hè una frasa esciuta da a Divinia cummedia di Dante. Significa l'amicizia trà a Corsica è l'Inglesi.

In i dui tonduli, ci sò l'arme di a Corsica (a testa di moru, à manca) è a Grande Brittagnia (à diritta). In u tondulu di diritta, spezzatu in quattru, si ponu vede l'arme di a Grande Britania (trà u 1714 è u 1801).

• Primu quartu : l'arme di l'Inghilterra (i trè leoni) è di a Scozzia
• Secondu quartu : trè fiori di lice, chì rapresentanu u Reame di Francia (chì era rivendicata da i Francesi)
• Terzu quartu : una arpa, strumentu chì rapresenta l'Irlanda
• Ultimu quartu, divisu in quarte parte : hè u stemma di a Casa di Hannovra (in Alemagna attuale). Territoriu britannicu induve si vede i simbuli di Brunswick, Lunebourg, Hannovra è a curonna d'Elettore di u Santu Imperiu.

Sopr'à, si vede una curonna, chì simbulizeghja chì in u reame anglocorsu, a Corsica ùn hè micca un territoriu inglese, ma sott'à a prutezzione di l'Inglesi. D'una certa manera, i Corsi ùn sò micca sottumessi à u Rè d'Inghilterra, tenenu a so autunumia.

Infurmazione

Numeru d'inventariu : MEC.56.13.142