Spettru di Brocken

U spettru di Brocken

Un spettru di Brocken hè un fenomenu otticu pruduttu da a luce riflessa versu a so fonte da una nivulu di candelle d’acqua di dimensione uniforme. Più cuncretamente, hè un ingrandimentu enorme di l’ombra prughjettata da l’osservatore, quandu u sole hè bassu, nant’à a superficia di i nivuli chì circondanu una muntagna induv'ellu si trova l’osservatore. Di regula hè carattarizatu da a presenza d’una curona luminiscente intornu à u capu o, in generale, à a parte a più alta di a figura.

Descrizzione

Si tratta d’un fenomenu di rara osservabilità: postu ch’ellu hè visibile in a direzzione opposta à quella di u Sole, si riscontra più cumunemente quandu si hè in bulu, cù u spettru di Brockenchì chì circonda l’ombra prughjettata da l’aeroplanu nant’à i nivuli.

Pò avè unu o parechji anelli culuriti. A so dimensione angulare hè assai più chjuca cà quella d’un arcubalenu, circa trà 5° è 20°, secondu a dimensione di e candelle d'acqua.

L’aspettu di u circulu luminosu pare duvutu à a dispersione di a luce in e gocce d’acqua è in e masse di nivuli. Sta luce hè riflessa principalmente in a direzzione opposta à a nebbia è à i nivuli.

A dimensione di l’ombra chì si forma hè prupurziunale à a distanza trà l’ogettu è u nivulu. L’ingrandimentu apparente chì l’osservatore percepisce hè una illusione ottica, causata da u fattu chì a superficia di i nivuli relativamente vicini hè ghjudicata à a stessa distanza di l’ogetti à u solu visibili trà l’aperture di i nivuli, chì in realtà sò assai più luntani. Per via di a perspettiva, l’ombra si prisenta distorta ma cù una forma tendenzialmente triangulare. Inoltre, ogetti abbastanza vicini à l’osservatore caghjuneghjanu un’ulteriore illusione ottica, fendu parè l’ombra ancu più grande à pettu ad elli.

Storia

Una di e prime attestazioni cunnisciute in Occidente ricolla à u 1736, nant’à l’Ande in Perù, è hè stata signalata da una spidizione francese guidata da Charles Marie de La Condamine è Pierre Bouguer. U fenomenu fù discrittu ancu più tardi da Johann Esaias Silberschlag, pastore è scinziatu naturale tedescu, in u 1780.

Un nome storicu di stu fenomenu hè spettru di Brocken o arcu di Brocken; u nome deriveghja da u monte Brocken, a vetta a più alta di a catena di l’Harz in Germania, è fù crea­tu da Silberschlag stessu. Postu chì a vetta hè sopra u livellu di i nivuli è chì a zona hè spessu nebbiosa, e cundizioni chì permettenu à un’ombra d’esse prughjettata nant’à un stratu di nivule sò relativamente favurite. L’apparizione d’ombre giganti chì parenu bulà o move si da per elli, per via di u muvimentu di u stratu di nivuli, è chì sò circundate da un arcu di Brocken, pò avè cuntribuitu à a riputazione di i monti di l’Harz cum’è rifughju di streghe è spiriti maligni.

U fisicu Charles Thomson Rees Wilson visse un spettru di Brocken mentr'ellu travagliava cum’è osservatore timpuraneu à a stazione meteorologica di Ben Nevis. Ispiratu da sta visione impressiunante, dicise di custruisce un apparechju per creà nivuli in laburatoriu, da pudè pruduce spettri di Brocken sintetiche à piccula scala. U so travagliu purtò direttamente à a custruzzione di a camera à nebbia, un apparatu adupratu per individuà e radiazione ionizzante.

In Cina, stu fenomenu hè chjamatu Luce di Buddha (佛光). Era à spessu osservatu nant’à muntagne alte cuparte di nivuli, cum’è u Huang shan è u Monte Emei; registrazione di stu fenomenu nant’à u Monte Emei ricollanu à l’annu 63 d.C. Postu chì l’aureola culurita circonda sempre l’ombra di l’osservatore, era à spessu cunsiderata cum’è un segnu d’illuminazione persunale di l’osservatore, assuciata à Buddha o à qualcosa di divinu.

Altri prugetti

• [(https://commons.wikimedia.org/wiki/Category:Glories annantu à [(https://commons.wikimedia.org) Wikimedia Commons].